გექავებათ ხელისგული ან თვალი გითამაშებთ: როგორ გაძლევთ სიგნალებს სხეული ხალხური სიბრძნის მიხედვით
ხელები
მარცხენა ხელი - დაელოდეთ მნიშვნელოვან ამბებს.
მტევანი - ვიღაცას მიესალმებით და ხელს ჩამოართმევთ. ნიშნები ამბობენ, რომ მარცხენა ხელისგულის ძლიერი ქავილი შეიძლება გაფრთხილებდეთ მოსალოდნელი ჩხუბის შესახებ.
მარჯვენა ხელი - ლოდინს ნიშნავს. თუ გაიფიქრე ადამიანზე და ამავდროულად მოიფხანე მარჯვენა ხელი, დაელოდე – ეს ადამიანი ძალიან მალე გამოჩნდება შენს ცხოვრებაში.
თუ მარჯვენა ხელისგული გექავება, მაშინ ეს არ არის მხოლოდ მატების ნიშანი, არამედ ნიშნავს სტუმრებსა და ახალ ნაცნობობას.
ფეხები
მარცხენა ფეხის ქავილი ნიშნავს საჩუქარს, მაგრამ ეს არ იქნება მეგობრის საჩუქარი. შესაძლოა, ეს იყოს მაღაზიაში ფასდაკლების ვაუჩერი, ან ქუჩაში რაიმე სასარგებლო ნივთის პოვნა.
მარჯვენა ფეხის ქავილი ნიშნავს პაემანს, სიყვარულს. შესაძლოა, ვინმეს შეხვდეთ და პაემანზე წახვიდეთ, ან შესაძლოა პარტნიორმა შემოგთავაზოთ რომანტიკული საღამოს ერთად გატარება.
თვალები
მარცხენა თვალი - სხვადასხვა პრობლემები. ეს შეიძლება იყოს კონფლიქტი სამსახურში, ჩხუბი საყვარელ ადამიანთან.
მარჯვენა თვალი - ნიშნავს სხვადასხვა სიახლეებს. ეს შეიძლება იყოს სადმე დაპატიჟება, ან ქება. ეცადეთ, თვალი ზედმეტად არ მოისრისოთ, რათა არ "დააფრთხოთ" რაიმე კარგი.
წარბები
თუ წარბები გექავებათ, ბევრ განსხვავებულ სიახლეს ელოდეთ. ან - მოულოდნელ შეხვედრას.
ყურები
მარცხენა ყურის ქავილი უფრო საიმედო ნიშანია ფულის მიღებისა, ვიდრე ხელისგულის ქავილი. თქვენ მიიღებთ იმას, რაც გამოიმუშავეთ, ფულს საჩუქრად, ან თქვენი ვალი დაგიბრუნდებათ.
მარჯვენა ყურის ქავილი ახალ ამბებს ნიშნავს, ნებისმიერ ახალ ამბებს - თუნდაც ინტერნეტში ან ტელევიზორში.
ლოყები
თუ ლოყები გექავებათ, მაშინ ვიღაც განიხილავს თქვენზე რაღაცას. შესაძლოა თქვენს ზურგსუკან. თუ ლოყა გაწითლდა, მაშინ ვიღაც ძალიან გაბრაზებულია თქვენზე.
ცხვირი
ცხვირის ქავილი ნიშნავს ქეიფს ან მხიარულ შეხვედრას. და არა აუცილებლად ალკოჰოლის დალევით. ამინდის ცვლილების გამო ცხვირის წვერი შეიძლება გექავებოდეთ, ცხვირის ნესტოების ქავილი კი მოგებაზე მიუთითებდეს.
ენა
თუ ენას მოიკვნეტთ, უნდა შეიკავოთ თავი და ნაკლებად ისაუბროთ თქვენს საქმეებზე. ან უბრალოდ გაჩუმდით მნიშვნელოვან საუბარში.