გენანებათ გადაგდება? როგორ გამოიყენოთ სამზარეულოს ძველი ჭურჭელი
გამოიყენეთ სამზარეულოს სპატულები სარემონტოდ
სიტყვა სპატული გამოიყენება სამზარეულოს სხვადასხვა ხელსაწყოს აღსაწერად; ჩვეულებრივ, ეს არის სილიკონის ან რეზინის ბრტყელი ნიჩაბიმ მინიმუმ ერთი მომრგვალებული კიდით, რომელიც მიმაგრებულია გრძელ, ბრტყელ სახელურზე.
სამზარეულოში სპატულას იყენებენ დარჩენილი ცომის თასიდან ამოსაღებად. გარდა ამისა, ასეთი ხელსაწყო საშუალებას გაძლევთ თავიდან აიცილოთ კორძების გაჩენა ცომის მოზელისას. თუმცა, თუ დროთა განმავლობაში, სხვადასხვა კერძის მომზადების შემდეგ, სპატული იძენს მუდმივ ნარინჯისფერ ელფერს ან გაუჩნდება ბზარი, ის არ უნდა იქნას გამოყენებული სამზარეულოსთვის. შეგიძლიათ გამოიყენოთ რემონტის დროს, საღებავების მოსარევად და ქილიდან დარჩენილი საღებავის ამოსაღებად.
მოამზადეთ მცენარეების დრენაჟი საწურებიდან
თუ თქვენი საიმედო ლითონის საწური (დრუშლაგი) დაჟანგდა, გამოიყენეთ ჯერ ფოლადის ღრუბელი, რაც შეიძლება მეტი ჟანგის მოსაშორებლად, შემდეგ გამოიყენეთ იგი მებაღეობისთვის.
ბევრ შიდა მცენარეს სჭირდება ქოთნები დრენაჟით და ყოფილი სამზარეულოს "ინსტრუმენტები" იდეალურია. თქვენ დაგჭირდებათ მხოლოდ უფრო დიდი გარე ქოთნის პოვნა, რომელიც მოერგება საწურს.
გამოიყენეთ ძველი ჩაიდანი და დოქები მებაღეობაში
თუ თქვენ ფიქრობთ გადაყაროთ აფცქვნილი ან დაბზარული კერამიკული ჩაიდანი, მინის დოქი ან საზომი ჭიქა, სცადეთ მისი ხელახლა გამოყენება სხვა რამეში.
მაგალითად, თუ ჩაიდანი ჯერ კიდევ ინარჩუნებს წყალს, გამოიყენეთ იგი თქვენი მცენარეების მორწყვისთვის. იგივე შეგიძლიათ გააკეთოთ ოდნავ დაჟანგული ლითონის ქვაბითაც, პირველ რიგში დაამუშავეთ იგი ფოლადის ღრუბლით, რათა რაც შეიძლება მეტი ჟანგი მოიცილოთ. ხოლო თუ ხატვით ხართ დაკავებული, დოქებსა და ჩაიდანებს შეუძლიათ ერთდროულად შეასრულონ ორი ფუნქცია - იყვნენ დეკორის ელემენტები და შეასრულონ მოსარწყავის ფუნქცია.
გამოიყენეთ კარტოფილის საჭყლეტი
თუ კარტოფილის საჭყლეტმა ფერი შეიცვალა და მისი გამოცვლა გადაწყვიტეთ, ნუ იჩქარებთ გადაგდებას. ის შეიძლება გამოგადგეთ თხილის გასატეხად, პარკში მოთავსებული ორცხობილის დასაფხვნელად, ან მიწის კორძების დასაშლელად.
როგორ გამოიყენოთ ხორცის საბეგვი ჩაქუჩის მეორე მხარე - ეს ბევრმა დიასახლისმა არ იცის