როგორ გამოვიყენოთ მათეთრებელი საყოფაცხოვრებო საქმეებში
ყვავილის ქოთნები
დროდადრო საჭიროა ყვავილების ქოთნების დეზინფექციაც, წინააღმდეგ შემთხვევაში პათოგენები დარჩება ქოთნის კედლებზე და დაააინფიცირებს მასში დარგულ მცენარეს. დეზინფექციისთვის ნახევარი ჭიქა მათეთრებელი გააზავეთ ოთხ ლიტრ წყალში და გაწმინდეთ მიღებული ხსნარით ყვავილის ქოთანი.
ნაგვის ურნა
ნაგვის ურნის განახლების მრავალი გზა არსებობს, მაგრამ ერთ-ერთი ყველაზე მარტივი და ეფექტური არის მისი დამუშავება მათეთრებლით. გარეცხეთ ვედრო ჩვეულებრივი საპნის ხსნარით, შემდეგ აიღეთ სამი ლიტრი წყალი, დაამატეთ მას ნახევარი ჭიქა მათეთრებელი და ეს ხსნარი ღრუბლით წაუსვით ურნის შიდა კედლებზე. გააჩერეთ რამდენიმე წუთი და ჩამორეცხეთ.
ობი აბაზანაში
სააბაზანოში ობი მუდმივი თავის ტკივილია ნებისმიერი დიასახლისისთვის, რადგან ოთახში მაღალი ტენიანობის გამო, ობის ძალიან სწრაფად ჩნდება ახალ ადგილებში. აურიეთ თანაბარი პროპორციით მათეთრებელი და წყალი, წაუსვით დაზიანებულ ადგილებში და გააჩერეთ 15 წუთი. შემდეგ ჩამორეცხეთ და გააშრეთ.
ლაქები ჭიქებზე
ყავისა და ჩაის ლაქები შეიძლება იყოს ძალიან ძნელად მოსაშორებელი, ამიტომ ყოველთვის არ არის შესაძლებელი მათი მოშორება მარტივი ჭურჭლის სარეცხი საშუალებით. თბილ წყალს დაუმატეთ რამდენიმე წვეთი მათეთრებელი, ჩადეთ ჭიქები ნარევში დაახლოებით თხუთმეტი წუთის განმავლობაში. ამის შემდეგ მარტივად მოაშორებთ ჭუჭყს.
პლასტმასის ავეჯი
საუბარია მხოლოდ თეთრ ავეჯზე, რომელსაც დროთა განმავლობაში მიდრეკილება აქვს სიყვითლისკენ. ფერადი პლასტმასისგან დამზადებული ავეჯი არ უნდა გაიწმინდოს მათეთრებლით, რათა არ დაზიანდეს საღებავის ფენა. პლასტმასის სკამების, მაგიდების გასათეთრებლად ოთხ ლიტრ წყალს დაუმატეთ ნახევარი ჭიქა მათეთრებელი და რამდენიმე ჩაის კოვზი სარეცხი საშუალება. ამ ნარევით გარეცხეთ ავეჯის ზედაპირი, ჩამორეცხეთ სუფთა წყლით და დატოვეთ სუფთა ჰაერზე გასაშრობად.
შუშის ბზინვარებისთვის
იმისათვის, რომ თქვენი გარეცხილი ფანჯრები ბზინავდეს, გახსენით ერთი წვეთი მათეთრებელი წყალში, როდესაც შუშის ზედაპირებიდან სარეცხ საშუალებებს ჩამორეცხავთ. შედეგი სასიამოვნოდ გაგაოცებთ.
საჭრელი დაფები
სამზარეულოს დაფების უბრალოდ გარეცხვა არ გაათავისუფლებს მათ დაგროვილი საკვების ნარჩენებისგან და მიკრობებისგან, რომლებიც ადვილად მრავლდებიან ასეთ გარემოში. ამიტომ ძალიან სასარგებლოა თქვენი საჭრელი დაფების რეგულარული დამუშავება მათეთრებლის ხსნარით. ამისათვის ერთი ჩაის კოვზი გახსენით ლიტრ წყალში და გაწმინდეთ ზედაპირები. ეს მეთოდი შესანიშნავია პლასტმასის დაფებისთვის, მაგრამ ხის დაფების შემთხვევაში ფრთხილად უნდა იყოთ და არ დაუშვათ სითხე ზედაპირზე გაიჟღენთოს.
სათამაშოების გაწმენდა
სათამაშოები ასევე შეიძლება გახდეს მრავალი პათოგენური ბაქტერიის წყარო, ამიტომ დროდადრო უნდა მოხდეს მათი დეზინფექცია. თასში ჩაასხით ოთხი ლიტრი თბილი წყალი, დაამატეთ ნახევარი ჭიქა მათეთრებელი და გააჩერეთ სათამაშოები ხუთი წუთის განმავლობაში. ამის შემდეგ კარგად გარეცხეთ სუფთა წყლით და გააშრეთ.
როგორ აირჩიოთ სწორად საწმენდი სითხე, სხვადასხვა მასალის იატაკისთვის