"მე გამუდმებით მტოვებენ": როგორ ააშენოთ მყარი ურთიერთობები
სტატისტიკის მიხედვით, მიტოვებულთა შორის ყველაზე მეტად მშფოთვარე ტიპის მიჯაჭვულობის მქონე ადამიანები არიან, მიტოვების ინიციატორები კი უფრო მარტოხელები არიან, რადგან მათთვის ადამიანებთან დაახლოება უკიდურესად რთულია. მშფოთვარე, მიჯაჭვულობის მქონე ადამიანს ხშირად გულწრფელად არ ესმის, რატომ ტოვებენ, თუმცა ყველაფერს აკეთებს ურთიერთობისთვის, ფაქტობრივად ცხოვრობს ამით. პარადოქსულია, მაგრამ სწორედ ამიტომ ტოვებენ მათ.
დაშორებაზე ფიქრის გამო ისინი მაშინვე პანიკაში ვარდებიან. ის, თუ როგორ გამოხატავენ მხარდაჭერის საჭიროებას, ხშირად იწვევს მათ გაუცხოებას იმ ადამიანებთან, ვისგანაც მხარდაჭერას ელიან. ვინაიდან ბავშვობაში მათთვის უაზრო იყო უშუალოდ გრძნობების გამოხატვა და საჭიროებებზე საუბარი, ამის გაკეთება მათ მანიპულირების, შეურაცხყოფისა და ისტერიკის დახმარებით ისწავლეს. ასეთი ადამიანების ურთიერთობებში წამყვანია "დრამა". მიჯაჭვულობის არმქონეები მაშინვე გაურბიან ასეთ ურთიერთობებს, რადგან თავს „გადატვირთულად“ გრძნობენ.
პარტნიორის არჩევანი გარკვეულწილად წინასწარ არის განსაზღვრული ჩვენი მიჯაჭვულობის ტიპით. მშფოთვარე ადამიანები ყველაზე ხშირად ირჩევენ მორიდებულ, ემოციურად ცივ პარტნიორებს თავიანთ მეწყვილეებად. ერთ-ერთ პარტნიორს სურს მუდმივი და ინტენსიური კონტაქტი, ხოლო მეორე ყოველთვის დისტანციას ინარჩუნებს. სამწუხაროდ, პირველები ყველაზე ხშირად მიტოვებულები არიან.
თუმცა ეს ყველაფერი განაჩენი არ არის. შეგიძლიათ შეცვალოთ "დრამის" ჟანრი, ამისთვის კი უნდა შეცვალოთ თქვენი ქცევის სტრატეგიები ურთიერთობებში. თუ შფოთვითი ტიპის მიჯაჭვულობის აღწერა ახლოსაა თქვენთან, მაშინ მნიშვნელოვანია ისწავლოთ, რომ პირდაპირ ისაუბროთ თქვენს გრძნობებსა და საჭიროებებზე, მანიპულირების, შეურაცხყოფის ან ულტიმატუმების წამოყენების გარეშე. დაიწყეთ იმის კეთება, რაც მოგწონთ, ეძებეთ ჯანსაღი კომპრომისები და დროთა განმავლობაში თქვენი შიში შემცირდება. თუ მიტოვების ინიციატორი ხართ, მაშინ უნდა ისწავლოთ ადამიანების ნდობა, მათთან გახსნა და ერთად დროის გატარება. ნუ უგულებელყოფთ თქვენს პარტნიორს, როცა რთულ ფსიქოლოგიურ მდგობარეობაში ხართ, არამედ ღიად ისაუბრეთ მათზე.
თქვენი მიჯაჭვულობის სტილისა და ემოციური რეაქციების გამომწვევი ფაქტორების გაგება არის ძლიერი ურთიერთობების დამყარების ერთ-ერთი გასაღები. მას შემდეგ, რაც შეისწავლით გრძნობებსა და აზრებს, რომლებიც აყალიბებენ თქვენს რეაქციას და ისწავლით მათ მიღებას, გაგიადვილდებათ მათი მართვა და ჯანსაღი გადაწყვეტილებების მიღება.
ყველაფრის დაკარგვის შიში: როგორ შეიძლება ემოციურმა დაურწმუნებლობამ გაანადგუროს ურთიერთობები