როგორ მოვამზადოთ კლასიკური აკროშკა - ნაბიჯ-ნაბიჯ ინსტრუქცია
ნაბიჯი 1: ინგრედიენტების დაჭრა. ყველა მყარი ინგრედიენტი (ძეხვი, კარტოფილი, კვერცხი, კიტრი და ბოლოკი) დაჭერით პატარა, თანაბარი ზომის კუბიკებად. რაც უფრო ერთგვაროვანი იქნება დაჭრილი მასა, მით უფრო გემრიელია აკროშკა.
ნაბიჯი 2: მწვანილის მომზადება. მწვანე ხახვი და კამა ძალიან წვრილად დაჭერით. შეგიძლიათ დაჭრილ მწვანილს ცოტა მარილი მოაყაროთ და კოვზით დასრისოთ — ასე მწვანილი წვენს გამოუშვებს და კერძი უფრო არომატული გახდება.
ნაბიჯი 3: შერევა. დიდ ჯამში მოათავსეთ დაჭრილი ბოსტნეული, ძეხვი და მწვანილი. კარგად აურიეთ ერთმანეთში.
ნაბიჯი 4: სითხის დამატება. ბოსტნეულის მასას დაასხით ცივი კეფირი. თუ მასა ძალიან სქელი მოგეჩვენებათ, დაამატეთ ცოტაოდენი ცივი გაზირებული მინერალური წყალი. დაუმატეთ არაჟანი და კვლავ აურიეთ.
ნაბიჯი 5: შეზავება. დაამატეთ მარილი. თუ გსურთ, რომ აკროშკა უფრო პიკანტური იყოს, დაუმატეთ ნახევარი ჩაის კოვზი მდოგვი და ცოტა ლიმონის წვენი (ან ლიმონმჟავა).
ნაბიჯი 6: გაციება. მზა აკროშკა შედგით მაცივარში მინიმუმ 30-60 წუთით.
აკროშკა აუცილებლად ცივი უნდა მიირთვათ!
