როგორ გამოვაცხოთ ჩიზქეიქი აეროგრილში
ძირის მომზადება:
ორცხობილა ("პეჩენია") დაფხვენით და აურიეთ დამდნარ კარაქში, სანამ ერთგვაროვან მასას მიიღებთ. სასურველია გამოიყენოთ lotus-ის ორცხობილა. მიღებული მასა ჩატკეპნეთ საცხობი ფორმის ძირზე (გამოიყენეთ ბრტყელძირიანი ჭიქა).
ჩიზქეიქის გულის მომზადება:
კრემყველი, არაჟანი, შესქელებული რძე და ვანილი ათქვიფეთ ნაზ და კრემისებრ მასამდე. დაამატეთ კვერცხები და კარგად აურიეთ.
მიღებული მასა დაასხით ფორმაში. ფორმა ჩადეთ აეროგრილის თასში.
აეროგრილი დააყენეთ 140 გრადუს ცელსიუსზე და აცხვეთ 30 წთ. შემდეგ, დააყენეთ 120 გრადუს ცელსიუსზე და აცხვეთ კიდევ 10 წთ.
სურვილისამებრ, ზემოდან შეგიძლიათ დაადოთ ხილის მურაბა.
