რას უყუროთ თუ "კალმარის თამაშები" მოგეწონათ: 5 ფილმი და სერიალი
3% (2016)
ბრაზილიური სამეცნიერო-ფანტასტიკური სერიალი ანტიუტოპიურ სამყაროზე, სადაც საზოგადოება ორ ნაწილადაა გაყოფილი: ღარიბი, გადატვირთული ტერიტორია სახელად „შიდა ნაწილი“ და წარმატებული, ტექნოლოგიურად განვითარებული „ოფშორი“. ყოველ წელს 20 წლის ახალგაზრდებს შესაძლებლობა ეძლევათ გაიარონ მკაცრი მრავალსაფეხურიანი „პროცესი“. მხოლოდ 3%-ს უმართლებს და შეუძლია „ოფშორში“ გადასვლა.
ელისი ზღვარს მიღმა სამყაროში (2020)
იაპონური ტრილერი და სამეცნიერო ფანტასტიკის ჟანრის სერიალი, რომელიც დაფუძნებულია ამავე სახელწოდების მანგაზე. სიუჟეტი ვითარდება არისუს გარშემო, რომელიც მეგობრებთან ერთად მოულოდნელად აღმოჩნდება მიტოვებულ ტოკიოში. გადარჩენისთვის მათ უწევთ სიცოცხლისთვის სახიფათო თამაშებში მონაწილეობა, სადაც მუდმივად მოწმდება მათი ფიზიკური და გონებრივი შესაძლებლობები. ამავდროულად, გმირები ცდილობენ გაარკვიონ ამ სასტიკი სამყაროს საიდუმლო და გზა იპოვონ სახლში დასაბრუნებლად.
ტკბილი სახლი (2020)
სიუჟეტი მოგვითხრობს მოზარდ ჩა ჰიონ სუზე, რომელიც ოჯახური ტრაგედიის შემდეგ გადადის მრავალბინიან სახლში. მოულოდნელად სამყარო იწყებს ქაოსში ჩაძირვას, სადაც მონსტრები ადამიანთა სურვილებს განასახიერებენ. ჰიონ სუ მეზობლებთან ერთად იბრძვის გადარჩენისთვის და საკუთარი შინაგანი დემონების დასამარცხებლად.
განკითხვის ღამე (2013)
tრილერი-ანტიუტოპია, სადაც აშშ-ის მთავრობა წელიწადში ერთხელ „განკითხვის ღამეს“ აცხადებს, როდესაც ყველა დანაშაული, მათ შორის მკვლელობა, 12 საათის განმავლობაში ლეგალური ხდება. სიუჟეტი ფოკუსირებულია სანდინის ოჯახზე, რომელიც უსაფრთხოების სისტემით აღჭურვილ სახლში ცდილობს გადარჩენას. მაგრამ უცნობის დახმარების თხოვნით ყველაფერი კონტროლიდან გამოდის, და გმირები ხვდებიან საფრთხეს როგორც გარედან, ისე შიგნიდან.
თოვლისმჭრელი (2014)
პოსტაპოკალიფსური ტრილერი, რომელიც ვითარდება ყინულის ხანაში ჩაძირულ მსოფლიოში. კაცობრიობის ნარჩენები ცხოვრობენ უზარმაზარ მატარებელში, რომელიც უწყვეტად მოძრაობს თოვლიანი უდაბნოს გავლით.მატარებლის შიგნით მკაცრი სოციალური იერარქიაა: ღარიბები ცხოვრობენ უკანა ნაწილში საშინელ პირობებში, ხოლო მდიდრები სარგებლობენ ფუფუნებით წინა ვაგონებში. კერტისი, მატარებლის უკანა ნაწილში მცხოვრები გმირი, აჯანყებას იწყებს, რათა მოხვდეს ლოკომოტივში და დაამთავროს ჩაგვრა.
რეალურ მოვლენებზე დაფუძნებული 5 სერიალი, რომელსაც ვერ მოწყდებით