როგორ გავრეცხოთ ვაშლი ჭუჭყის, ცვილისა და პესტიციდების მოსაშორებლად: ექსპერტის რჩევები
რატომ უნდა გავრეცხოთ ვაშლები?
დოქტორი კიტ უორინერი, ონტარიოს გუელფის უნივერსიტეტის კვების მეცნიერების კათედრის პროფესორი, განმარტავს, რომ ვაშლებს მოსავლის აღების შემდეგ რეცხავენ და შემდეგ ცვილის ფენით ფარავენ, რაც ეხმარება მათ ხანგრძლივად შენახვაში. ცვილი ქმნის ფიზიკურ ბარიერს ობის გაჩენისა და დეჰიდრატაციის თავიდან ასაცილებლად, თუმცა ასეთ საფარს შეიძლება ჰქონდეს ფუნგიციდები.
ეს ნივთიერებები ხელს უშლიან ობის გაჩენას ხილზე. ისინი არ არის ტოქსიკური და დამტკიცებულია აშშ-ის საკვებისა და მედიკამენტების ადმინისტრაციის (FDA) ან კანადის ჯანმრთელობის სამინისტროს მიერ.
მიუხედავად ამისა, ვაშლებზე მაინც შეიძლება დარჩეს ჭუჭყი.
როგორ უნდა გავრეცხოთ ვაშლები?
ცვილისა და პესტიციდების მოშორება ვაშლიდან ჩალბობით შეუძლებელია. უმჯობესია, ხილი გამდინარე წყალში გავრეცხოთ, ამბობს უორინერი. ის ვაშლების ჩალბობის მომხრე არაა, რადგან ნიჟარებში შეიძლება მიკრობები დაგროვდეს, რომლებიც შემდგომ ხილს გადაედება.
„წარმოიდგინეთ, რომ ცვილის საფარი ზეთის ფენას ჰგავს, ამიტომ მისი მოშორება თბილი წყლით შეიძლება“, – განმარტავს პროფესორი.
თქვენ ასევე შეგიძლიათ გამოიყენოთ ვაშლების დასამუშავებლად ხელნაკეთი სპრეი ძმრითა და წყლით ან საკვები სოდითა და წყლით. თუმცა, ამის შემდეგ აუცილებლად კარგად უნდა გაავლოთ ვაშლი გამდინარე წყლით.
ამავდროულად, FDA გირჩევთ, ხილის გასარეცხად არ გამოიყენოთ საპონი, სარეცხი საშუალებები ან კომერციული პროდუქტების სარეცხი საშუალებები. ხილი ფოროვანი სტრუქტურისაა, ამიტომ საპონი და სარეცხი საშუალებები შეიძლება შეიწოვოს, მიუხედავად მათი გულდასმით ჩამორეცხვისა. ამის გამო ადამიანებს შეიძლება გარკვეული დაავადებები გაუჩნდეთ.
გარდა ამისა, არ არსებობს სანდო მონაცემები იმასთან დაკავშირებით, თუ რამდენად უსაფრთხოა ასეთი საშუალებების ნარჩენები პროდუქტებზე და მათი ეფექტურობა დადასტურებული არ არის.
უნდა გავფცქვნათ ვაშლი?
ვაშლის გაფცქვნა ასევე აშორებს ჭუჭყსა და მიკრობებს, თუმცა მანამდე აუცილებელია მისი კარგად გარეცხვა. საქმე ისაა, რომ ჭუჭყის დანის მეშვეობით ვაშლის გარე კანიდან მის შიგთავსზე გადატანის რისკი არსებობს.
უორინერი ასევე გირჩევთ, მოიშოროთ ვაშლის გულიც, რადგან ზოგჯერ პათოგენურმა ორგანიზმებმა შეიძლება ღეროში შეაღწიონ.
„გარდა ამისა, არ შეჭამოთ თესლები, არა იმიტომ, რომ მუცელში ვაშლის ხე გაგეზრდებათ, არამედ იმიტომ, რომ მათ შეიძლება ციანიდის კვალი ჰქონდეთ“, – ამბობს ის.
მიუხედავად იმისა, რომ ვაშლის თესლებში ციანიდის რაოდენობა სასიკვდილო არ არის, უმჯობესია, მთლიანად ავიცილოთ ამ ნივთიერების მიღება.
როგორ დაკრიფოთ და დააწყოთ ვაშლები სწორად, რომ მთელი ზამთარი გაძლონ