როგორ შევარჩიოთ სწორად საქანელა ეზოსთვის/აივნისთვის
ზომა და ხელმისაწვდომი სივრცე
პირველ რიგში, საქანელას შეძენამდე განსაზღვრეთ ხელმისაწვდომი სივრცე, სადაც მას განათავსებთ. გაზომეთ თქვენი აივანი ან ადგილი ეზოში, რათა დარწმუნდეთ, რომ საქანელა უპრობლემოდ დაეტევა. ასევე გაითვალისწინეთ ქანქარისა და მოძრაობისთვის საჭირო კომფორტული სივრცე.
ყველაზე პრაქტიკული პარამეტრებია: 153*170*110 სმ. ზომის საქანელა. ეს ზომა იდეალურად თავსდება საშუალო ზომის აივანზეც.
მასალები და გამძლეობა
საქანელა უნდა იყოს დამზადებული გამძლე და ხარისხიანი მასალისგან, რომელიც გაუძლებს სხვადასხვა ამინდის პირობებს. საუკეთესო ვარიანტია საქანელები, რომლებიც დამზადებულია ტენიანობის და ულტრაიისფერი რეზისტენტული მასალებისგან, როგორიცაა მეტალი, ალუმინი ან ფხვნილით დაფარული ფოლადი.
სკამის ჩარჩო უნდა იყოს სტაბილური და არ ექვემდებარებოდეს დეფორმაციას ან გატეხას ნორმალური გამოყენებისას. საქანელას არჩევისას დააკვირდით მის კარკასს და მექანიზმს. კარკასი და ყველა დეტალი უნდა იყოს უჟანგავი მეტალისგან დამზადებული, ან სპეციალური საფარით დაფარული.
კომფორტი და ბალიშები
საქანელას არჩევის შემდეგი მნიშვნელოვანი ასპექტი - კომფორტია. ყურადღება მიაქციეთ ბალიშების ხელმისაწვდომობას და მათ ხარისხს. კარგი საქანელები აღჭურვილია რბილი ბალიშებით, რომლებიც უზრუნველყოფენ კომფორტულ დასაჯდომს და საზურგეს.
შეამოწმეთ შესაძლებელია თუ არა ბალიშების ამოღება და გადასაკრავების გარეცხვა, ან ადვილია თუ არა დასაჯდომი ზედაპირები გასაწმენდად.
დიზაინი და სტილი
აირჩიეთ საქანელა, რომელიც შეესაბამება თქვენი ბაღის ან აივნის სტილს. არსებობს დიზაინის ფართო არჩევანი, კლასიკურიდან თანამედროვემდე, მარტივიდან დახვეწილამდე. აირჩიეთ საქანელა, რომელიც ჰარმონიაში იქნება სივრცის საერთო დეკორთან და ატმოსფეროსთან. დამტკიცებულია, რომ ზოგადად, მწვანე ფერი ყველაზე მეტად ამშვიდებს თვალს და ნერვულ სისტემას. თუ გსურთ, რომ მოსასვენებელი ადგილი მაქსიმალურად დაგეხმაროთ განტვირთვაში, აირჩიეთ ბუნებრივი, მშვიდი ფერი.
მობილურობა და გადაადგილება
თუ თქვენ გეგმავთ თქვენი საქანელას გადატანას სხვადასხვა ადგილას ან შენახვას შენობაში უამინდობის დროს, დარწმუნდით, რომ მისი გადაადგილება მარტივია და აქვს დასაკეცი ან დასაშლელი სისტემა.
ბიუჯეტი
წინასწარ განსაზღვრეთ თქვენი ბიუჯეტი, რათა აირჩიოთ საქანელა, რომელიც შეესაბამება თქვენს ბიუჯეტს და ამავდროულად, დააკმაყოფილებს ზემოთ ჩამოთვლილ პარამეტრებს.
საქანელა სკამის არჩევა ბაღისთვის ან აივნისთვის შეიძლება საინტერესო პროცესი იყოს. გაითვალისწინეთ სივრცის ზომა, მასალების ხარისხი, კომფორტი და უსაფრთხოება.