როგორ უნდა მოიქცეთ, რომ მალე არ გაჭაღარავდეთ
შეწყვიტეთ მოწევა
ცნობილია, რომ მოწევა აჩქარებს ჭაღარის გაჩენას. ეს იმიტომ ხდება, რომ სიგარეტში შემავალი ტოქსინები იწვევს ოქსიდაციურ სტრესს, ბიოლოგიურ პროცესს, რომლის დროსაც ორგანიზმში არასტაბილური მოლეკულები, რომლებსაც თავისუფალ რადიკალებს უწოდებენ, თავს ესხმიან და ანადგურებენ სკალპის ჯანმრთელ უჯრედებს, რომლებიც წარმოქმნიან მელანინს, პიგმენტს, რომელიც აძლევს თმას ფერს.
მოერიდეთ მზის ზემოქმედებას
მზის ზედმეტი ზემოქმედება მავნეა არა მხოლოდ თქვენი კანისთვის, ის ასევე „იპარავს“ თქვენი თმის ფერს. ჭარბი ულტრაიისფერი სხივები იწვევს ოქსიდაციურ სტრესს, როგორც მოწევა, აზიანებს მელანინის წარმომქმნელ უჯრედებს სკალპში და აჩქარებს გაჭაღარავების პროცესს. კვლევებმა აჩვენა, რომ ულტრაიისფერი სხივები ასევე არღვევს თმის კერატინის დონეს, პროტეინს, რომელიც აძლიერებს და იცავს მას. ვინც დიდ დროს ატარებს გარეთ, აუცილებლად უნდა ატაროს ქუდი. თქვენ ასევე უნდა გამოიყენოთ სპეციალური კონდიციონერები, რომლებიც თქვენს თმას ანტიოქსიდანტური ნივთიერებით ფარავს, რათა დაიცვას იგი მზისგან.
გაამდიდრეთ ორგანიზმი B12 ვიტამინით
ვეგანურ დიეტაში დეფიციტურია ვიტამინი B12, რომელიც დიდი რაოდენობით გვხვდება ხორცში, კვერცხსა და რძის პროდუქტებში. ეს ვიტამინი უაღრესად მნიშვნელოვანია უჯრედების, მათ შორის მელანოციტების რეგენერაციისთვის.
მოერიდეთ სტრესს
ჩვენი სხეული დაპროგრამებულია გარკვეული ჰორმონების გათავისუფლებაზე, როგორიცაა კორტიზოლი და ნორეპინეფრინი, როდესაც საფრთხეს ვგრძნობთ. ეს არის ბრძოლა ან გაქცევის საპასუხო რეაქცია, რომელიც გადამწყვეტი იყო ჩვენი წინამორბედების ველურ ბუნებაში გადარჩენისთვის. მაგრამ თუ ეს ბუნებრივი რეაქცია თვეების განმავლობაში გრძელდება, მაშინ ჭარბმა კორტიზოლმა შეიძლება გავლენა მოახდინოს ჩვენს სხეულზე.
ისწავლეთ სტრესის მოხსნა ვარჯიშისა და დასვენების გზით
იპოვეთ ისეთი აქტივობა, რომელიც დაგამშვიდებთ – იქნება ეს სირბილი, მებაღეობა, ცხობა თუ წიგნის კითხვა. თუ არ იფიქრებთ თქვენს ცხოვრებაში არსებულ სტრესებზე დღეში მინიმუმ ერთი ან ორი საათის განმავლობაში, სტრესის ჰორმონის დონე შემცირდება და ასევე შემცირდება მისი გავლენა თმის ფერზე.
შეამოწმეთ თქვენი ფარისებრი ჯირკვალი
ფარისებრი ჯირკვალი გამოყოფს ჰორმონებს, რომლებიც არეგულირებენ მეტაბოლიზმს ორგანიზმში. კვლევებმა აჩვენა, რომ როდესაც თიროქსინის დონე დაბალია, ადამიანს აწუხებს დაღლილობა, წონაში მატება, დეპრესია და სახსრების ტკივილი. ის ასევე ამცირებს მელანინის გამომუშავებას სკალპის უჯრედების მიერ, რაც აძლევს თმას ფერს.