როგორ მოვემზადოთ უნივერსიტეტისთვის - 5 რჩევა
აირჩიეთ გზა, რომელიც შეესაბამება თქვენს ინტერესებს. დიდი ალბათობით წარმატებულად დაიწყებთ კარიერას, თუ აირჩევთ სპეციალობას, რომელიც თქვენთვის ნამდვილად საინტერესოა. სცადეთ თქვენი ინტერესის და უნარების შეფასება, რათა აირჩიოთ შესაბამისი მიმართულება. შემდეგ გადახედეთ საუნივერსიტეტო პროგრამებს, ეს დაგეხმარებათ გადაწყვეტილების მიღებაში. თქვენ ასევე შეგიძლიათ ისაუბროთ იმ ადამიანებთან, რომლებსაც კარგად იცნობთ, მაგალითად, მშობლებს, მენტორს ან ხელმძღვანელს, ჰკითხოთ თქვენი პოტენციალის შესახებ. ადამიანებისგან რჩევის თხოვნა შეიძლება იყოს შესანიშნავი გზა კარიერული იდეების მისაღებად, მაგრამ არავის მისცეთ უფლება გადაწყვეტილება მიიღოს თქვენს ნაცვლად - ეს თქვენი ცხოვრებაა და მნიშვნელოვანია აირჩიოთ გზა, რომლითაც კმაყოფილი იქნებით.
წინასწარ დაგეგმეთ, თუ აპირებთ უნივერსიტეტის საერთო საცხოვრებელში ცხოვრებას. ამით შეძლებთ დაზოგოთ ფული სწავლისთვის. ბინის დაქირავება შესაძლოა მეტი ხარჯი იყოს. გადაწყვეტილების მიღებისას აწონ-დაწონეთ ყველა ეს ფაქტორი - მხოლოდ თქვენ გეცოდინებათ რა არის თქვენთვის სწორი.
სხვა ადგილას გადასვლამდე ხშირად იზრუნეთ საკუთარ საჭიროებებზე. თუ თქვენ ყოველთვის მშობლებთან ერთად ცხოვრობდით, უნივერსიტეტში სიარული გარკვეული სიახლე იქნება თქვენთვის. იმისათვის, რომ თავი იგრძნოთ უფრო დამოუკიდებლად, იზრუნეთ ისეთ რამეებზე, როგორიცაა სასურსათო საყიდლები, ტრანსპორტირება, თავის მოწესრიგება და სხვა.
დროულად გაიარეთ რეგისტრაცია. დროულად დარეგისტრირდით და აირჩიეთ თქვენი სპეციალობის საგნები. დაათვალიერეთ საგნების ცხრილი, შეარჩიეთ საგნები, რომლებსაც გაივლით პირველ სემესტრში. აირჩიეთ საგნები თქვენთვის სასურველ დროს, თუ ეს შესაძლებელია, განსაკუთრებით მაშინ, თუ პარალელურად მუშაობთ.
შეაგროვეთ ყველა საჭირო მასალა ლექცია/სემინარებამდე. როდესაც აირჩევთ საგნებს, შეძლებთ სილაბუსის ნახვას, რომელიც მოიცავს ყველაფერს, რასაც თქვენ ისწავლით კურსზე და ყველა საჭირო მასალას. პროფესორები ელიან, რომ ყოველდღე მომზადებულები იქნებით სემინარებისთვის, ამიტომ ყურადღებით შეისწავლეთ თქვენი სილაბუსი, რათა დარწმუნდეთ, რომ ყველაფერი მზად გაქვთ პირველი დღისთვის.