როგორ გავწმინდოთ საშხაპე კაბინა - rogor.ge

როგორ გავწმინდოთ საშხაპე კაბინა

დაასველეთ კაბინის კედლები თბილი წყლით და წაუსვით საწმენდი გელი რბილ ღრუბელზე. ძნელად მისადგომ ადგილებში სცადეთ ძველი კბილის ჯაგრისით მოაცილოთ ჭუჭყი, მაგრამ ეცადეთ არ გახეხოთ ძლიერად, წინააღმდეგ შემთხვევაში შესაძლოა მიკრო ბზარები გაჩნდეს. კარგად ჩამორეცხეთ პროდუქტი, წინააღმდეგ შემთხვევაში მინაზე თეთრი ლაქები დარჩება.

თქვენ ასევე შეგიძლიათ გაწმინდოთ საშხაპე კაბინის კედლები ლიმონმჟავით. მჟავას პაკეტი (10 გრამი) გახსენით 100 მლ თბილ წყალში და დაასხით სითხე სპრეის ბოთლში. შეასხურეთ საშხაპე კაბინის კედლებზე და გააჩერეთ 10-15 წუთი. გახეხეთ ღრუბლით და ჩამორეცხეთ თბილი წყლით. თუ წყლიდან დეპოზიტები ამ მეთოდით არ გაირეცხება, მაშინ გაზარდეთ ლიმონმჟავას კონცენტრაცია, დაამატეთ 2 პაკეტი 100 მლ წყალზე. ლიმონის ნაცვლად სუფრის ძმარიც გამოდგება, 100 მლ წყალზე დაახლოებით 20 მლ სჭირდება.

დაამუშავეთ მისი კედლები მათეთრებლის სუსტი ხსნარით. კარგად ჩამორეცხეთ სუფთა წყლით და გაწმინდეთ მშრალი პირსახოცით, რის შემდეგაც ოთახი უნდა განიავდეს.

ბზინვარების დასამატებლად აიღეთ რბილი პირსახოცი და დაასველეთ მინისა და სარკის გამწმენდი სითხით. გაწმინდეთ ყველა მხრიდან. ასე მოაცილებთ ლაქებს და დაიცავთ მას მტვრის ნაწილაკების დალექვისგან.