როგორ გავზარდოთ ტელეფონის ელემენტის სიცოცხლისუნარიანობა
არ დაელოდოთ ბატარეის ბოლომდე დაცლას
დატენეთ თქვენი ტელეფონი მთელი დღის განმავლობაში. თქვენი ტელეფონის ელემენტს აქვს დატენვის ციკლის ფიქსირებული რაოდენობა. თუ ბატარეას მთლიანად ამოწურავთ, ეს ამცირებს დატენვის საერთო ციკლების რაოდენობას. ელემენტის სრულ დამუხტვამდე მიყვანამ ან 0%-მდე დაცლამ შეიძლება დააზიანოს იგი და შეამციროს მისი სიცოცხლისუნარიანობა.
მოერიდეთ ექსტრემალურ ტემპერატურას
ძალიან მაღალ ან დაბალ ტემპერატურაზე სმარტფონის ყოფნა ძალიან სწრაფად ცლის ელემენტს . ელემენტები შექმნილია იმისთვის, რომ კარგად იმუშაოს ოთახის ტემპერატურაზე, რომელიც არის დაახლოებით 68 °F (20 °C). თქვენი ელემენტი, განსაკუთრებით სრულად დატენვისას, გაცილებით სწრაფად ჯდება ექსტრემალურ ტემპერატურაზე. ამან შეიძლება გამოიწვიოს მისი დაზიანება დროთა განმავლობაში. მოერიდეთ თქვენი ტელეფონის გამოყენებას, თუ ტემპერატურა 32 °F-ზე (0 °C-ზე) დაბალია.
არ დატენოთ თქვენი ტელეფონი 100%-მდე
როდესაც ყოველთვის ტენით 100%-მდე, ხშირმა მაღალმა ძაბვამ შეიძლება გამოიწვიოს ბატარეის დატვირთვა. სასურველია თუ დატენით მას 80%-მდე.
გამოიყენეთ სწრაფი დატენვა მხოლოდ საჭიროების შემთხვევაში
სწრაფი დატენვა მოსახერხებელია, მაგრამ არ გამოიყენოთ ის ყოველ ჯერზე, როცა ტელეფონს დამუხტავთ. სწრაფი დატენვა საჭიროზე მეტ სტრესს აყენებს ელემენტს, ამიტომ ბატარეის მუშაობა დროთა განმავლობაში შეიძლება დაზარალდეს.
ხშირად არ გამოიყენოთ თქვენი ტელეფონი დატენვისას
პარაზიტული დატვირთვის თავიდან აცილების მიზნით, ნუ ითამაშებთ თამაშებს და ნუ უყურებთ ვიდეოებს თქვენი ტელეფონის დატენვისას. პარაზიტული დატვირთვა მატებს ელემენტს უფრო მაღალი ძაბვის სტრესს, ზრდის სითბოს და შეიძლება გამოიწვიოს ელემენტის ნაწილების გაფუჭება უფრო სწრაფად.
გამოიყენეთ ელემენტის დაზოგვის რეჟიმი დატენვებსს შორის დროის გასაზრდელად
როდესაც თქვენი ელემენტი მალე ჯდება, ჩართეთ თქვენი ტელეფონის ბატარეის დაზოგვის რეჟიმი. ორივე Android-ს და iPhone-ს აქვს ბატარეის დაზოგვის სპეციალური რეჟიმები, რომლებიც გამორთავს ფონურ აპებს, ამცირებს მუშაობის სიმძლავრეს, გამორთავს სხვა სერვისებს, რომლებსაც შეუძლიათ ელემენტის სწრაფად დაცლა.
წყარო: wikihow.com