როგორ მოვირჩინოთ სურდოსგან გაღიზიანებული ცხვირი - rogor.ge

წაისვით დამატენიანებელი პროდუქტი ნესტოების გარშემო. ასეთ შემთხვევებში საუკეთესოდ მოქმედებს ისეთი საშუალებები, როგორიცაა ვაზელინი და ნეომიცინის მალამო. წაისვით მცირე რაოდენობით ცხვირის წვერზე და შემდეგ ორივე ნესტოზე, რაც დაგეხმარებათ გაუმკლავდეთ მშრალ კანს და დისკომფორტს. თუ ხელთ არ გაქვთ ვაზელინი ან ნეომიცინის მალამო, შეგიძლიათ გამოიყენოთ ჩვეულებრივი დამატენიანებელი, გარკვეულ შვებას მაინც მოგცემთ.

შეიძინეთ ანტისეპტიკური სველი ხელსახოცი. თუ მზად ხართ გადაიხადოთ ცოტა მეტი, შეიძინეთ მაღალი ხარისხის სველი ხელსახოცი. ცხვირის მოხოცვისას ისინი ნაკლებად აზიანებენ კანს ნესტოების ირგვლივ.

თუ გაღიზიანება ძლიერია, დაიდეთ ცხვირზე თბილი კომპრესი. თუ თქვენი ცხვირი ძალიან გაღიზიანებულია ან თუ სისხლდენა გაქვთ, შეგიძლიათ დაიდოთ თბილი, ნესტიანი ქსოვილი, რომელიც ტკივილს შეგიმსუბუქებთ. დაასველეთ თბილი პირსახოცი (ან ცხვირსახოცი) ცხელ წყალში და შემდეგ დაიდეთ ცხვირზე. თავი უკან გადახარეთ და ცოტა ხნით ასე იყავით, სანამ ხელსახოცი არ გაგრილდება. ამ დროის განმავლობაში შეეცადეთ ისუნთქოთ პირით. პროცედურის შემდეგ დაუყოვნებლივ წაისვით ცხვირზე ნეომიცინის მალამო ან ვაზელინი. სასწრაფოდ გადააგდეთ ან გარეცხეთ ხელსახოცი (ან ცხვირსახოცი).

ეცადეთ, ნაკლებად ხშირად მოიხოცოთ ცხვირი. სურდო ან გაჭედილი ცხვირი დისკომფორტს ქმნის, ადამიანს კი, როგორც წესი, სძლევს მისი მუდმივი მოხოცვის სურვილი. მიუხედავად ამისა, ეცადეთ ხშირად არ გააკეთოთ ეს.

ისწავლეთ ცხვირის სწორი მოხოცვა. იმის ნაცვლად, რომ ღრმად ჩაისუნთქოთ და მთელი ძალით მოიხოცოთ ცხვირი, ისწავლეთ ამის გაკეთება ნელა და ფრთხილად – ეს დაგეხმარებათ შეამციროთ გაღიზიანება. ნაზად გაასუფთავეთ ერთი ნესტო და შემდეგ მეორე. ამის გაკეთება შეგიძლიათ რამდენჯერმე, სანამ ცხვირი არ გაიწმინდება. ცხვირის გასუფთავებამდე დარწმუნდით, რომ ლორწო საკმარისად თხელია, თუ არა, მაშინ აუცილებლად გამოიყენეთ მისი გათხელების გარკვეული მეთოდი.