როგორ ვიპოვოთ ჰობი (+ტესტი: რომელი ჰობი შეგეფერება)
მებაღეობა. მიუხედავად იმისა, ზრდით რამდენიმე ყვავილს თქვენს აივანზე თუ ალამაზებთ დიდ ეზოს, მებაღეობა შესანიშნავი ჰობია. ისეთი ამოცანები, როგორიცაა დარგვა, მორწყვა, სარეველა მცენარეების მოჭრა და მოსავლის აღება, გარკვეულ დროსა და ვალდებულებას მოითხოვს, მაგრამ მებოსტნეების უმეტესობა მას სასიამოვნო პროცესადაც კი თვლის. მებაღეობა არ უნდა შემოიფარგლოს მხოლოდ თქვენი ეზოს მოვლით. შეუერთდით ბაღის კლუბს ან სხვა ადგილობრივ ორგანიზაციას, რომელიც მუშაობს თქვენი გარემოს გასალამაზებლად.
მზარეულობა ან მცხობელობა. თქვენ მაინც ყოველდღიურად იკვებებით და რატომაც არ უნდა გადააქციოთ საჭმლის მომზადება ჰობად? ბევრი სხვა გატაცების მსგავსად, კერძების მომზადება და ცხობა ადვილია, მაგრამ შეგიძლიათ მთელი ცხოვრება გაატაროთ მათ დაუფლებაში. მაშ, რა განასხვავებს საჭმლის მომზადებას, როგორც აუცილებლობას, საკვების მომზადებას, როგორც ჰობისგან? დაუსვით საკუთარ თავს ეს შეკითხვა. თუ თქვენ ახალი ხართ კულინარიაში, მიჰყევით რეცეპტებს საუკეთესო შედეგის მისაღებად. გამოცდილების შეძენისას ნუ შეგეშინდებათ უფრო შემოქმედებითი გახდეთ.
სამაგიდო ან კარტის თამაშები. ეს ჰობი შესანიშნავია მეგობრებთან და ოჯახთან დასაკავშირებლად. სამაგიდო თამაშები და კარტის თამაშები შეიძლება მოძველებულ რელიკვიად მოგეჩვენოთ, თუმცა, ისინი უფრო პრაქტიკულები და ინტერაქტიულები არიან და მათი მეშვეობით შეგიძლიათ სხვებთან შესანიშნავი დრო გაატაროთ.
ფოტოგრაფია. ფოტოგრაფიის დაწყება მარტივი და მომგებიანია. თუ მობილურ ტელეფონს ატარებთ, უკვე გაქვთ კამერა, რომელიც საკმარისად კარგია იმისთვის, რომ შეაბიჯოთ ფოტოგრაფიის სამყაროში. დროთა განმავლობაში, შეგიძლიათ ინვესტიცია ჩადოთ განახლებულ კამერებსა და აღჭურვილობაში. ნებისმიერ შემთხვევაში, ეს ჰობი გიბიძგებთ, გამოიკვლიოთ და შეიცნოთ სამყარო თქვენ გარშემო ახალი გზებით. დაიწყეთ იმის გადაღებით, რაც გაინტერესებთ. თქვენი უნარების გასაუმჯობესებლად გამოიყენეთ ფოტოგრაფიის წიგნები და ონლაინ გაკვეთილები.
მუსიკა. თუ თქვენ ძალიან გიყვართ მუსიკა და თავისუფალ დროს მისი მოსმენა ან მუსიკალურ ინსტრუმენტებზე დაკვრა გსიამოვნებთ, მაშინ ის ნამდვილად თქვენს ჰობადაა ქცეული. დაუკარით თქვენი საყვარელი სიმღერები ან შექმენით თქვენთვის სასურველი მელოდიები, ან თუნდაც გაუზიარეთ თქვენი სიყვარული მუსიკის მიმართ საზოგადოებას. გიტარაზე, ფორტეპიანოს, საქსოფონის ან სხვა მუსიკალურ ინსტრუმენტზე დაკვრის სწავლა შესანიშნავი იდეაა. ის გთავაზობთ გონებრივ სტიმულაციას, ხელისა და თვალის კოორდინაციის ტრენინგს და კრეატიულობის უამრავ შესაძლებლობას.
კითხვა. კითხვა შესანიშნავი საშუალებაა როგორც დასვენებისთვის, ასევე თქვენი ჰორიზონტისა და ხედვების გასაფართოებლად. კითხვა, როგორც ჰობი? კითხვა გიბიძგებთ განიცადოთ, შეისწავლოთ და იფიქროთ სამყაროზე იმ ადგილიდან, სადაც იმყოფებით.
წყარო: wikihow.com