როგორ შევარჩიოთ ბაღის მაკრატელი
ფუნქცია: ბაღის ხელსაწყოს არჩევის ერთ-ერთი ყველაზე მნიშვნელოვანი ასპექტია სწორი მაკრატლის არჩევა სამუშაოსთვის, რომლისთვისაც აპირებთ მის გამოყენებას. არასწორ ინსტრუმენტთან მუშაობა გამოიწვევს მხოლოდ იმედგაცრუებას და საქმის კარგად და სწორად შესრულების შეუძლებლობას. თუ ტოტების მოსაჭრელად გსურთ, უნდა შეიძინოთ დიდი და მძლავრი სეკატორი. ფოთლების და ყვავილების გასასხლელად კი შედარებით პატარა გამოგადგებათ.
წონა: კიდევ ერთი მნიშვნელოვანი ფაქტორი, რომელიც გასათვალისწინებელია, არის ხელსაწყოს წონა, განსაკუთრებით იმის გამო, რომ ზოგიერთი მებაღეობის ხელსაწყო, როგორიცაა ელექტრო ხერხი, შეიძლება საკმაოდ მძიმე იყოს. ზედმეტად მძიმე სეკატორის გამოყენება აუცილებლად დაგიღლით ხელებს სამუშაოს დასრულებამდე. ხელსაწყოს წონას შეიძლება დიდი მნიშვნელობა არ ჰქონდეს, თუ მხოლოდ რამდენიმე ტოტის მოჭრას გეგმავთ, მაგრამ თუ საქმე უფრო დიდ სამუშაოსთან გაქვთ, უნდა დარწმუნდეთ, რომ ბაღის ხელსაწყოს წონა თქვენთვის კომფორტულია.
მასალა: სეკატორის, საკრეჭის ან ხელის მაკრატლის გამოყენება, რომლებიც დამზადებულია მძიმე მასალისგან, როგორიცაა უჟანგავი ფოლადი ან ტიტანი, გარანტიას იძლევა, რომ ინსტრუმენტი გაუძლებს სამუშაოს და უფრო მეტხანს მოგემსახურებათ. იაფფასიანი საჭრელები და მაკრატლები მალევე დეფორმირდება, დაბლაგვდება და დაიშლება. როდესაც ყიდულობთ ბაღის ხელსაწყოებს, დარწმუნდით, რომ ისინი დამზადებულია მყარი მასალისგან, რომელიც არ იშლება რამდენიმე თვის შემდეგ.
წყარო: ehow.com