როგორ ვიმოგზაუროთ შორ მანძილზე ძაღლთან ერთად
ძაღლთან ერთად მოგზაურობამ შეიძლება კიდევ უფრო მეტად გაართულოს თქვენი მგზავრობა. თუ ძაღლთან ერთად დიდი მანძილის გავლა გსურთ, დარწმუნდით, რომ მას აქვს ჩატარებული ვაქცინაცია, და მოიმარაგეთ საჭირო ნივთები. თუ მანქანით მიდიხართ, დარწმუნდით, რომ მიგაქვთ საკმარისი საკვები, წყალი და იქნებით სიგრილით უზრუნველყოფილები. გაითვალისწინეთ შემდეგი რჩევები:
დარწმუნდით, რომ თქვენს ძაღლი არის ვაქცინირებული. მნიშვნელოვანია დარწმუნდეთ, რომ თქვენი ძაღლი ბედნიერი და ჯანმრთელი იქნება მოგზაურობის დროს. წაიყვანეთ თქვენი ძაღლი ვეტერინართან, რათა დარწმუნდეთ, რომ ის ვაქცინირებულია და დაცულია ნებისმიერი ახალი მიკრობისგან, რომელთანაც შეიძლება შევიდეს კონტაქტში. შეამოწმეთ, არის თუ არა რაიმე დაავადება, რომელიც შეიძლება თქვენს ძაღლს დაემართოს იმ ადგილებში, სადაც თქვენ მოგზაურობთ. თუ არსებობს, ჰკითხეთ თქვენს ვეტერინარს თქვენი ძაღლისთვის სათანადო ვაქცინაციის შესახებ.მოძებნეთ ინფორმაცია ტკიპების, ან ქვიშის ბუზების შესახებ იმ მხარეში, რათა გაიგოთ გჭირდებათ თუ არა მიიღოთ განსაკუთრებული სიფრთხილის ზომები.
ჩაალაგეთ თქვენი ძაღლისთვის საჭირო ნივთები. დარწმუნდით, რომ ჩანთაში გაქვთ თქვენი ძაღლის საკვები, ცოტა წყალი, 2 ჭურჭელი, მისი სამაგრი და აღკაზმულობა, სათამაშოები და სხვა. შეინახეთ ეს ჩანთა ადვილად მისადგომ ადგილას, რათა ადვილად შეძლოთ ნივთების ამოღება. დარწმუნდით, რომ წამოიღეთ მისთვის წამლებიც, რათა საკმარისი გქონდეთ მთელი მოგზაურობისთვის. ასევე, თან გქონდეთ თქვენი ძაღლის სამედიცინო ისტორიის ასლი თქვენი ვეტერინარისგან აუცილებლობის შემთხვევაში. დარწმუნდით, რომ ისტორია შეიცავს ნებისმიერ დიაგნოზს, თქვენს ძაღლზე ჩატარებულ ტესტებს და მედიკამენტების საჭირო დოზებს.
მოგზაურობის დაწყებამდე დაღალეთ ძაღლი ხანგრძლივი სიარულით. ძაღლებს აქვთ დიდი ენერგია, განსაკუთრებით მაშინ, თუ ისინი ახალგაზრდები არიან. წაიყვანეთ თქვენი ძაღლი სასეირნოდ ან ლაშქრობაში ვარჯიშისთვის და დაღალეთ. ეს შეიძლება დაეხმაროს მის ნერვულ ენერგიას, რომელიც მათ შეიძლება ჰქონდეთ. გამგზავრების წინ იფიქრეთ თქვენი ძაღლის მიკროჩიპზე, რათა ვინმემ შეძლოს მისი ამოცნობა, თუ გაიქცევა ან დაიკარგება.
მანქანით მოგზაურობისას გაითვალისწინეთ შემდეგი:
დაამაგრეთ თქვენი ძაღლი სამაგრით ან ძაღლის უსაფრთხოების ღვედით. ძაღლებს არ უნდა მიეცეთ საშუალება მანქანაში ტრიალის, რადგან შესაძლოა მძღოლის ყურადღების გაფანტვასაც შეუწყოს ხელი და ავარიის შემთხვევაში ძალიან დაზარალდნენ. პატარა ძაღლებს შეუძლიათ ისხდნენ ძაღლის გალიაში, რომელიც მიმაგრებულია უსაფრთხოების ღვედზე, ხოლო უფრო დიდი ძაღლების ერთ ადგილას გაჩერება შესაძლებელია ღვედით ან სამაგრით.
დადეთ საბანი ან ძაღლის საწოლი, რომ თქვენი ძაღლი კომფორტულად იყოს. თუ თქვენ არ იყენებთ გალიას და თქვენი ძაღლი პირდაპირ თქვენი მანქანის სავარძლებზე ზის, დადეთ საბანი ან ძაღლის საწოლი, რომელიც მას მოეწონება, რათა თავი უფრო კომფორტულად იგრძნოს. გამოიყენეთ ისეთი რამ, რაც მათ მოსწონთ სახლში. ეს ასევე დაგეხმარებათ თქვენი მანქანის სავარძლების დაცვაში.
მიეცით თქვენს ძაღლს სათამაშო ან ძვალი, რომ გაერთოს. ძაღლებს შეუძლიათ ისევე მოიწყინონ, როგორც ადამიანებმა. თუ თქვენი ძაღლი საკმარისად არ არის დაღლილი მანქანაში, მიეცით მას რაიმე საღეჭი ნივთი და გაართეთ ის. გრძელ მანძილზე მას ეს არ დააკავებს მთელი დროის განმავლობაში, მაგრამ ამ მეთოდს შეუძლია რამდენიმე საათის განმავლობაში იმუშაოს.თქვენ ასევე შეგიძლიათ ჩართოთ რადიო, თუ თქვენს ძაღლს უყვარს მუსიკის მოსმენა.
გააჩერეთ მანქანა ყოველ 2 საათში. ძაღლები უფრო ხშირად შარდავენ მანქანით მგზავრობისას, რადგან მათი შფოთვის დონე უფრო მაღალია. დარწმუნდით, რომ თქვენს ძაღლს ამ მხრივ არ უქმნით დისკომფორტს, განსაკუთრებით თუ მანქანაში დიდი ხნის განმავლობაში იმყოფებით.
გამოკვებეთ თქვენი ძაღლი ჩვეულებრივი გრაფიკით. თუ თქვენი ძაღლი დღეში ორჯერ ჭამს, აუცილებლად შესთავაზეთ მას საკვები დილით და საღამოს, მოგზაურობის დროსაც კი. გყავდეთ ის კვების ნორმალურ გრაფიკზე, რათა არ მოშივდეს.
შესთავაზეთ ძაღლს წყალი საათში ერთხელ. ძალიან მნიშვნელოვანია თქვენი ძაღლის ჰიდრატაციის შენარჩუნება მანქანაში ყოფნისას. თან იქონიეთ წყლის ბოთლი და პატარა ჭურჭელი, რომლიდანაც თქვენი ძაღლი დალევს მანქანაში ყოფნისას. შესთავაზეთ მათ წყალი დაახლოებით საათში ერთხელ, ან უფრო ხშირად თუ ცხელა.
წყარო: wikihow.com