როგორ ვუმკურნალოთ მზით დამწვრობას? - rogor.ge

ის დაგეხმარებათ ტკივილის მოხსნასა და კანის დატენიანებაში. დამწვარ ადგილზე სველი კომპრესი 15-20 წუთის განმავლობაში უნდა გაიჩეროთ. დაიმუშავეთ კანის ყველაზე მეტად დაზიანებული ადგილები. გაიკეთეთ მწვანე ჩაის კომპრესი. თუ მწვანე ჩაი არ გაქვთ, სველი, რბილი პირსახოციც გამოგადგებათ. სასურველია მიიღოთ აბაზანაც ოთახის ტემპერატურის წყლით. არსებობს ბევრი ხალხური მეთოდი დამწვრობის წინააღმდეგ. მაგალითად სხეულის ალოეთი გაწმენდა და სოდით ან სახამებლით გაჯერებული წყლის აბაზანის მიღება. გახსოვდეთ, როგორც კი აღმოაჩენთ, რომ დაიწვით, მაშინვე გადადით ჩრდილში. შემდეგ გაიგრილეთ კანი, მაგრამ არა ტემპერატურის ძლიერი კონტრასტით. კომპრესის დადება და აბაზანის მიღება კარგი იქნება დღეში რამდენჯერმე. არავითარ შემთხვევაში არ გამოიყენოთ სკრაბი და საპონი. ამის გამო კანი გადაგძვრებათ და შეიძლება ინფექცია შეგეჭრათ. არავითარ შემთხვევაში არ გამოიყენოთ კრემები ვაზელინის, ლიდოკაინის ან ბენზოკაინის შემცველობით. არ არის რეკომენდირებული გასარუჯი ზეთის წასმაც. ეს საშუალება არ არის დამწვრობის საწინააღმდეგო, ის რუჯის მიღებაში გეხმარებათ და ხელს უშლის კანის გაჯანსაღების პროცესს. კომპრესების შემდეგ დაიმუშავეთ კანი დამატენიანებელი კრემით. თუ დამწვრობის შემდეგ გაგიჩნდათ სისუსტის და დაღლის შეგძნება, მიიღეთ ასპირინი, ან პარაცეტამოლი. განსაკუთრებით მძიმე შემთხვევაში შეიძლება აგიწიოთ ტემპერატურამ და დაგეწყოთ ციება, ან გულის რევა. ამ შემთხვევაში აუცილებლად მიმართეთ ექიმს.