როგორ მოვამზადოთ ფორთოხლის ნამცხვარი - rogor.ge

 

ფორთოხალი გარეცხეთ ცივ წყალში, გაამშრალეთ, დანით ფრთხილად გააცალეთ კანი და წვრილ ნაჭრებად დაჭერით. შიგთავსისაგან გამოწურეთ წვენი. დაჭერით კანი 2 ს.კ. შაქართან და 3 ს.კ. ფორთოხლის წვენთან ერთად ადუღეთ 3 წთ. კვერცხის ცილა და გული გააცალკევეთ. კვერცხის გული, შაქარი (დაიტოვეთ 2 ს.კ.) და კარაქი ათქვიფეთ კრემისებრი მასის მიღებამდე.

 

დაუმატეთ ხაჭო, თხილი და შოკოლადი. ღუმელი გააცხელეთ 180C-მდე, ფორმას წაუსვით ცხიმი და მოაყარეთ დაფქვილი ორცხობილა. კვერცხის ცილა ათქვიფეთ გამაგრებამდე. სიროფიანი ფორთოხლის კანი და ცილა კარგად შეურიეთ ხაჭოიან მასას.

 

მიღებული ცომი ჩაასხით ფორმაში და აცხვეთ 30-35 წთ. ფორთოხალი გარეცხეთ დაჭერიღ თანაბარ, თხელ ნაჭრებად, გამოაცალეთ კურკები და მოათავსეთ ჯამში. დაასხით 4 ს.კ. ფორთოხლის წვენი და ფორთოხლის ლიქიორი, დაუმატეთ დარჩენილი შაქარი და ადუღეთ 3-4 წთ. მზა ნამცხვარი დატოვეთ გამორთულ ქურაში კიდევ 10 წთ., რომ ფორმაშივე გაცივდეს, და შემდეგ გადმოიღეთ.

 

ფორთოხლის ნაჭრები დადეთ საწურზე. შაქრის პუდრისაგან მოამზადეთ სქელი სიროფი და წაუსვით ნამცხვარს. ჯერ კიდევ თბილ მინანქარს მოაწყვეთ ფორთოხლის ნაჭრები და ოდნავ დააწურეთ. მინანქარი რომ გამგარდება, ნამცხვერი სუფრასთან მიიტანეთ.