რატომ ყვითლდება ტელეფონის გამჭვირვალე ქეისი და როგორ გავწმინდოთ ის
რატომ ყვითლდება გამჭვირვალე ჩასადები?
სანამ წმენდას დაიწყებთ, უნდა იცოდეთ, რომ გაყვითლება სამი ძირითადი მიზეზით არის გამოწვეული:
ულტრაიისფერი სხივები: მზის სინათლე ცვლის სილიკონის სტრუქტურას.
სითბო: ტელეფონის გადახურება აჩქარებს ქიმიურ რეაქციას.
კანის ცხიმი და ოფლი: ჩვენი ხელებიდან გადასული ნივთიერებები მასალაში ჯდება.
ინსტრუქცია: როგორ გავწმინდოთ ქეისი
მეთოდი 1: ჭურჭლის სარეცხი სითხე (მსუბუქი დაბინძურებისთვის)
ეს ყველაზე უსაფრთხო გზაა, რომელიც აშორებს ცხიმსა და ზედაპირულ ჭუჭყს.
ჯამში ჩაასხით თბილი წყალი და დაამატეთ რამდენიმე წვეთი ჭურჭლის სარეცხი სითხე.
ჩადეთ ქეისი ხსნარში და გააჩერეთ 10-15 წუთი.
რბილი კბილის ჯაგრისით კარგად გახეხეთ კუთხეები და შიდა მხარე.
გარეცხეთ ცივი წყლით და გაამშრალეთ რბილი ნაჭრით.
მეთოდი 2: საჭმელი სოდა (რთული ლაქებისთვის)
სოდა ეფექტურია იმ ადგილების გასაწმენდად, სადაც ფერი მკვეთრად არის შეცვლილი.
გაყვითლებულ ადგილებზე დააყარეთ ცოტაოდენი სოდა.სველი კბილის ჯაგრისით წრიული მოძრაობებით გახეხეთ ლაქები.
ჩამორეცხეთ წყლით და ნახეთ შედეგი.
მეთოდი 3: სპირტი ან ანტისეპტიკი
სპირტი კარგად უმკლავდება ქიმიურ ლაქებს (მაგალითად, მელნის ან კოსმეტიკის კვალს).
დაასველეთ ბამბის დისკი სპირტში.გაწმინდეთ ჩასადების მთელი ზედაპირი.
რისი გაკეთება არ შეიძლება?
არ გამოიყენოთ მათეთრებელი (ქლორი): ის სილიკონს კიდევ უფრო აყვითლებს და მასალას ფოროვანს ხდის.
არ გარეცხოთ ადუღებულ წყალში: მაღალმა ტემპერატურამ შესაძლოა ჩასადების ფორმა შეცვალოს.
რჩევა: თუ ჩასადები მზისგან არის დამწვარი და სტრუქტურულად შეცვლილია ფერი, მისი სრული გათეთრება პრაქტიკულად შეუძლებელია. ასეთ დროს საუკეთესო გამოსავალი ახალი ქეისის შეძენაა.