რა ვქნათ, თუ საბანი ან პლედი სარეცხ მანქანაში არ ეტევა: მარტივი საშინაო მეთოდი
როგორ მოვიქცეთ?
გაწმენდამდე მნიშვნელოვანია დაადგინოთ შიგთავსის ტიპი. ბუმბული მაქსიმალურ სიფრთხილეს მოითხოვს, სინთეზური მასალა ნაკლებად პრეტენზიულია, მატყლს კი მაღალი ტემპერატურისა და აქტიური მექანიკური ზემოქმედების ეშინია.
თუ სარეცხი მანქანა არ გამოგადგებათ, გამოიყენეთ მარტივი საშინაო მეთოდები:
ხელით რეცხვა: თბილი წყალი და რბილი სარეცხი საშუალება საშუალებას მოგცემთ, ეფექტურად გაწმინდოთ საბანი შიგთავსის დაზიანების გარეშე. თუ არ გაქვთ დიდი ზომის ტაშტი, გაავსეთ აბაზანა (ვანა) და ტაშტის მაგივრად გამოიყენეთ.
ლოკალური წმენდა: ლაქების ამოსაყვანად საკმარისია სოდის, ძმრის ან ლიმონის წვენის წერტილოვანი გამოყენება.
„მშრალი“ განახლება: რეცხვებს შორის პერიოდში საბნის გამოცოცხლება შეიძლება საკვები სოდით, სუფთა ჰაერზე განიავებით ან ყინვაში გატანითაც კი — დაბალი ტემპერატურა დამღუპველია მტვრის ტკიპებისთვის.
გაშრობის წესი:
არანაკლებ მნიშვნელოვანია სწორი გაშრობა. საბანი ბოლომდე უნდა გამოშრეს, წინააღმდეგ შემთხვევაში გაჩნდება ობი და მყარი უსიამოვნო სუნი. უმჯობესია მისი ჰორიზონტალურად გაფენა კარგად განიავებად ადგილას და პერიოდულად შენჯღრევა, რათა შიგთავსმა ფორმა შეინარჩუნოს.