ინტროვერტების ჩუმი სიმართლე: 8 რამ, რაც მათ სურთ, რომ თქვენ იცოდეთ
სიჩუმე - ეს არ არის სიცარიელე, ეს არის ადგილი, სადაც ვსუნთქავთ
ექსტრავერტს სიჩუმე შეიძლება არაკომფორტულად ეჩვენოს,ინტროვერტს კი სახლში ყოფნას აგონებს.
სიჩუმეში ნელდება ტემპი, იზოლირდება სტრესი, ჩნდება სივრცე ფიქრისთვის, ემოციებისთვის, ავთენტურობისთვის. ეს არ არის პაუზა საუბარში, ეს არის საუბრის ნაწილი.
დიდხანს ვფიქრობთ არა იმიტომ, რომ ვეჭვობთ - არამედ იმიტომ, რომ გვინდა ვიყოთ პატიოსნები
როდესაც ინტროვერტი ჩუმდება და სიტყვებს არჩევს, ეს არ ნიშნავს დაბნეულობას. ეს ნიშნავს პატივისცემას.
ის პასუხს არ ისვრის პირველივე აზრთან ერთად, არჩევს, ფიქრობს, აზუსტებს.მოითმინეთ - და მიიღებთ პასუხს, რომელიც მოდის არა ენიდან, არამედ სიღრმიდან.
“მინდა ცოტა მარტო ყოფნა” არ ნიშნავს “არ მინდა შენთან ყოფნა” ეს არის ყველაზე ხშირი გაუგებრობა.
ინტროვერტს პერიოდულად სჭირდება სივრცე, სადაც ძალების მოკრეფას შეძლებს, საკუთარი თავი, საკუთარი წყარო, საკუთარი ენერგია. ის არ მიდის თქვენგან, ის მიდის საკუთარ თავთან, რათა შემდეგ თქვენთან იყოს უფრო ნამდვილი.
ჩვენ უფრო ღრმად ვგრძნობთ, ვიდრე ჩანს
ინტროვერტს შეიძლება მშვიდი, დისტანციური, ნაკლებად ემოციური იერი ჰქონდეს, მაგრამ შიგნით მუდმივად მუშაობს, ანალიზი, დაკვირვება, ემოციების დახვეწილი მოძრაობა.
ხშირად ისინი ყველაზე ძლიერად განიცდიან, უბრალოდ, ხმამაღლა არ ახმოვანებენ.
ჩვენ გვჭირდება ნამდვილი საუბარი - არა უსასრულო სიტყვები
პატარა, ზედაპირული დიალოგები ღლის.“რა ქენი?”, “როგორ ხარ?”, “რა სრულდება?” — ეს ენერგიას აცლის.
მაგრამ როდესაც ინტროვერტი იწყებს ღრმა საუბარს, ხდება გაცნობა, გახსნა, აზრის სიმძიმე, ეს ნამდვილი ნდობის ნიშანია. ის თქვენ გიხსნით საკუთარ შინაგან სამყაროს.
ჩვენ ვამჩნევთ ბევრად მეტს, ვიდრე ვამბობთ
ინტროვერტი შესანიშნავი დამკვირვებელია. ის დაინახავს იმავეს, რასაც სხვები ვერა - ტონალობას, მოძრაობას, ჩუმ ემოციებს, დამალულ რეაქციებს.
ის იშვიათად ამბობს ხმამაღლა, რასაც იგებს,მაგრამ თითქმის ყოველთვის ხვდება, რა ხდება სინამდვილეში.
მარტო ყოფნას არ ვუფრთხით - გვაშინებს იქ ყოფნა, სადაც უნდა მოვაჩვენოთ სხვა ვერსია
ინტროვერტისთვის მარტოობა თავისუფლებაა.უცნობი ხალხით სავსე ოთახი კი დამქანცველი, დახუთული სივრცე.
ის გაურბის არა ადამიანებს, არამედ იმ როლებს, რომლებიც „საჭიროა“. როდესაც გვერდით სწორი ადამიანი ჰყავს, ინტერვენტს შეუძლია საათები, დღეები, წლები გაატაროს მასთან დაღლის გარეშე.
თუ ჩვენი ნდობა მოიპოვეთ ეს უკვე რაღაცას ნიშნავს
ინტროვერტი იშვიათად ხსნის გულს, არა იმიტომ, რომ არ უნდა,არამედ იმიტომ, რომ ზედმეტად ღრმად გრძნობს შედეგებს.
თუ თქვენ მის სიჩუმეში ხართ, მის ნდობას მიღმა ხართ, ეს ნიშნავს, რომ ინტროვერტმა გაგირჩიათ. ურთიერთობა მისთვის შემთხვევითობა არ არის.
და ბოლოს მთავარი
ინტროვერტებს განსაკუთრებული მოპყრობა არ სჭირდებათ. ისინი უბრალოდ გთხოვენ, რომ იცოდეთ:
მათი სიჩუმე — ენაა, მათი სიღრმე — ძალაა, მათი მარტოობა — ადგილი, სადაც საკუთარ თავს უკავშირდებიან. და მათ სიყვარული სხვანაირად აქვთ - არაფრისგან ქმნიან სითბოს,უსიტყვოდ გადმოსცემენ ახლობლობას,და ისე გიყვარებენ, რომ ეს ნათლად იგრძნობა, თუნდაც ისინი ამ დროს ჩუმად იყვნენ.