20 ფრაზა, რომელიც დაგეხმარებათ დაიბრუნოთ ყურადღება, თუ ლაპარაკი გაგაწყვეტინეს - rogor.ge

თეა ინასარიძე

ნეიტრალური ფრაზები

ზოგჯერ ადამიანები სიტყვას არათავაზიანობის გამო კი არ გაწყვეტინებენ, არამედ მათი ტემპერამენტის გამო. მათ შეიძლება უკვე ეგონოთ, რომ აზრი გაიგეს, ან მცირე პაუზა თქვენი ფრაზის შემდეგ მიიღეს როგორც დასრულება. ასეთ შემთხვევებში უმჯობესია მშვიდად და ნაზად დაიბრუნოთ ყურადღება საკუთარ სიტყვაზე:

1. „დავუბრუნდე ჩემს აზრს, სანამ საბოლოოდ არ დავკარგე?“
2. „ბოდიში, არ დამიმთავრებია.“
3. „დავასრულებ და მერე თქვენ ისაუბრეთ“
4. „თუ შეიძლება, მომეცით საშუალება, დავასრულო, სანამ არსებულ აზრს არ გადავუხვევთ.“
5. „მხოლოდ ხუთი წამი დამაცადეთ, დავამთავრებ.“

რბილი ფრაზები

ზოგჯერ ადამიანი, ვინც გაწყვეტინებთ, შეიძლება გაღიზიანებდეთ, მაგრამ უხეშად პასუხის გაცემა დაუშვებელია — მაგალითად, თუ ეს კლიენტია ან ისეთი ადამიანი, ვისი აზრიც მნიშვნელოვანია. ასეთ დროს მაქსიმალურად რბილი ფორმულირებები დაგეხმარებათ:

1. „სად გავჩერდით? მე ვამბობდი, რომ…“
2. „მოითმინეთ ერთი წამი, თითქმის დავასრულე.“
3. „კიდევ ერთი მნიშვნელოვანი მომენტია, ნებას დამრთავთ?“
4. „გავაგრძელებ იმ ადგილიდან, სადაც გავჩერდი.“
5. „მოკლედ, როგორც ვამბობდი…“

პირდაპირი ფრაზები

თუ გრძნობთ, რომ თქვენ გაჩუმებას ცდილობენ — მაგალითად, საჯარო დისკუსიაში, სადაც ოპონენტს სურს ყურადღების გადატანა, ჯობს პირდაპირ მიუთითოთ, რომ გაწყვეტინეს:

1. „სიტყვა გამაწყვეტინეთ, ნება მომეცით დავამთავრო.“
2. „გამაწყვეტინეთ იმიტომ, რომ ყველაფერი გაიგეთ? თუ დამაცდით, დავასრულებ.“
3. „სანამ გამაწყვეტინებდით, ვამბობდი, რომ…“
4. „დავასრულებ და მერე თქვენ გააგრძელეთ.“
5. „მიჭირს აზრის დასრულება, როცა მაწყვეტინებენ. შეიძლება დავასრულო?“

ენერგიული ფრაზები

არის სიტუაციები, როცა მკაფიო და მკაცრი პოზიციაა საჭირო, თუმცა მაინც ზრდილობიან ჩარჩოებში. მაგალითად, საჯარო დისკუსიაში ან როცა ოპონენტი ზედმეტად აგრესიულია:

1. „თუ აღარ გამაწყვეტინებთ, მთლიანად მოისმენთ და შესაძლოა, სადავო საკითხიც გაქრეს.“
2. „თუ ერთმანეთს გავაწყვეტინებთ, არსად არ მივალთ. მე კი არ მინდა დროის ტყუილად ხარჯვა.“
3. „მოდით, საუბარი ქაოსად არ გადავაქციოთ და ვილაპარაკოთ რიგრიგობით.“
4. „ნებართვა მომეცით დავამთავრო, რომ ფრაგმენტების ნაცვლად მთლიან აზრს განვიხილავდეთ.“
5. „დაასრულეთ? ახლა შემიძლია გავაგრძელო?“