როგორია 8 ლამაზი დიზაინი მოკლე ფრჩხილებისთვის, რომლებიც მთელი ზაფხული ტრენდში იქნება
ვერცხლისფერი ხაზი
შებრუნებული ფრენჩი ყოველთვის კარგი იდეაა მოკლე ფრჩხილებისთვის. ამ სეზონზე განსაკუთრებით მოდურია ფრჩხილის ძირში წვრილი, ბზინვარე ვერცხლისფერი ხაზი. ეს დიზაინი თანაბრად უხდება როგორც რომანტიკულ სტილს, ისე მკაცრ ოფისურ ლუქს.
მარმარილოს ეფექტი
მარმარილოს ნიმუში ფრჩხილებზე ელეგანტურად გამოიყურება ნებისმიერ სიგრძეზე. ამ სეზონზე ნუდ ტონებს ჩაანაცვლებს ნაზი და ნათელი ფერები, რაც მას კიდევ უფრო საინტერესოს ხდის.
ნახატი ფრჩხილის ძირში
ასეთი დიზაინი ვიზუალურად აგრძელებს ფრჩხილს და ქმნის ორიგინალურ ეფექტს. განსაკუთრებით ლამაზად გამოიყურება ნაზი ყვავილოვანი ან ფოთლოვანი მოტივებით, რაც ზაფხულის განწყობას შესანიშნავად გადმოსცემს.
ყვავილოვანი მოტივები
ზაფხული ყვავილების გარეშე წარმოუდგენელია! ტრენდშია მარტივი, მაგრამ ფერადი ნამუშევრები, ხოლო რაც უფრო პატარაა დეტალები, მით უფრო დახვეწილი გამოდის შედეგი.
ცისარტყელას ფერები
თუ არ გინდა რთული ნახატები, მაგრამ გინდა ორიგინალური მანიკიური, სცადე სხვადასხვა ფერის ლაქების კომბინაცია. მოკლე ფრჩხილებზე ასეთი დიზაინი ჰგავს პატარა ფერად კანფეტებს.
ზაფხულის ფრენჩი
ნაზი ვარდისფერი ფრჩხილის წვერები, რამდენიმე ფრჩხილზე კი – ყვავილოვანი ჩარჩო. პასტელის ფერები იდეალურია ზაფხულისთვის და განსაკუთრებით ლამაზად გამოიყურება მოკლე ფრჩხილებზე.
მბზინვარე ნუდი
კომუფლაჟური ფერის ბაზა შეიძლება გახდეს უფრო ეფექტური, თუ მასზე დაამატებ თეთრი და ოქროსფერი ხაზების აბსტრაქტულ ნიმუშს. შედეგი — სადა, მაგრამ სადღესასწაულო.
ფერადი ხაზები
თუ გინდა, რომ ზაფხულის ბოლოსთვის მაქსიმალურად ისიამოვნო ფერებით, სცადე ფრჩხილებზე ფერადი ხაზების კომბინაცია. მოდური ვარიანტია გლუვი ბაზა და მრავალფეროვანი ხაზები.