რატომ კბენენ კოღოები ზოგ ადამიანებს და სხვებს თითქმის არ ეკარებიან — მეცნიერებმა სამედიცინო ახსნა იპოვეს
კოღოს მთავარი ორიენტირი — სითბო და ნახშირორჟანგი
როგორც ირკვევა, კოღოებს განსაკუთრებულად იზიდავთ ადამიანის სხეულიდან გამოსული სითბო და CO₂ (ნახშირორჟანგი). სწორედ ამიტომ კოღოებისთვის განსაკუთრებით „გემრიელები“ არიან:
- ჭარბწონიანი ადამიანები
- ბავშვები
- ორსული ქალები
- ფიზიკური აქტიურობის შემდეგ გაოფლიანებული ადამიანები
- ნაბახუსევზე მყოფი პირები
ყველა ეს შემთხვევა იწვევს სხეულის ტემპერატურის მატებასა და მეტ ნახშირორჟანგს სუნთქვისას, რაც მათ კოღოების სამიზნედ აქცევს.
გარდა ამისა, ბნელი ტანსაცმელი კოღოებს უკეთესად ეცნობათ, ვიდრე ღია ფერები — ასე რომ, ღია ფერის ჩაცმა ნაკლებად მიმზიდველს გახდის ადამიანს მათთვის.
ყველაფერი კანის არომატით არ მთავრდება
პედიატრის თქმით, კოღოები ერთნაირად არ რეაგირებენ ყველა ადამიანის კანზე. დიდი როლი ეკუთვნის კანის მიკროფლორას — იმ ბაქტერიებს და ქიმიურ ნივთიერებებს, რომლებიც კანის ზედაპირზე გამოიყოფა. ეს ნივთიერებები ქმნიან ინდივიდუალურ „სურნელს“, რომელიც ზოგ შემთხვევაში კოღოებისთვის ისეთივე მაცდურია, როგორც ჩვენთვის ახლად გამომცხვარი ფუნთუშის სურნელი.
განსაკუთრებით აქტიურად იზიდავს მათ:
- ამიაკი
- რძემჟავა
პირველი ჯგუფის სისხლი? დიახ, მაგრამ...არსებობს მოსაზრება, რომ პირველი ჯგუფის სისხლი ყველაზე მეტად იზიდავს კოღოებს. პედიატრი ადასტურებს ამ ჰიპოთეზას, თუმცა აღნიშნავს, რომ ყველა კოღოსთვის ეს კანონზომიერება არ ვრცელდება — დამოკიდებულია მათ სახეობაზეც.
როგორ ავიცილოთ თავიდან კოღოების თავდასხმა?
არსებობს ერთი ბუნებრივი დამცავი ფაქტორი — ვიტამინი B, რომლის მაღალი დონე სისხლში ხშირად აფერხებს კოღოებს და აფრთხობს მათ. პლუსად შეგვიძლია ჩავთვალოთ, რომ ეს ვიტამინი ნერვულ სისტემაზეც დადებითად მოქმედებს.