როგორ უშლის ხელს პოპულარული საუზმე წონაში კლებას
თანამედროვე მომხმარებელი ხშირად ენდობა წარწერებს შეფუთვაზე - "დიეტური", "ნატურალური", "ჯანსაღი", თუმცა, როგორც ბრიტანული წონის მართვის კლინიკა Optimal You აღნიშნავს, ამ პროდუქტების მიღმა ხშირად იმალება შაქრის, რაფინირებული ზეთების და ცარიელი კალორიების დიდი რაოდენობა.
"ამ პროდუქტებს ხშირად ჯანმრთელობის იმიჯი აქვთ, მაგრამ რეალურად შესაძლოა წონაში კლება შეაჩერონ ან კიდევ უფრო რთული გახადონ" — აცხადებენ სპეციალისტები.
გრანოლა, რომელიც დიდი ხნის განმავლობაში ითვლებოდა სასარგებლო საუზმედ, შესაძლოა, ერთ-ერთი ყველაზე მზაკვრული ვარიანტი იყოს. ერთი ჭიქა სუპერმარკეტში ნაყიდი გრანოლა 400-ზე მეტ კალორიას შეიცავს და შაქრის შემცველობით ხშირად შოკოლადის ფილის ტოლფასია.
"გრანოლა კარგად ჟღერს — შვრია, კაკალი, ბოჭკოები — მაგრამ როდესაც მასში ემატება თაფლი, სიროფი და ზეთები, რომ გააუმჯობესონ გემო და შენახვის ვადა, ის დესერტს ემსგავსება და არა საუზმეს", — განმარტავს კლინიკის წარმომადგენელი.
მსგავსი საფრთხე იმალება არომატიზებულ იოგურტებშიც, ცილოვან ბატონებსა და ზოგიერთ ხილის წვენშიც, რომლებიც მიუხედავად იმისა, რომ "ჯანსაღ ალტერნატივად" იყიდება, შაქარსა და ზედმეტ კალორიებს ხშირად ჭარბად შეიცავს.