როგორ გავიგო რა მინდა: გზამკვლევი ფსიქოლოგებისგან, როგორ იპოვო შენი გზა
შეჩერდი! შეისვენე, შეიძლება გადაღლილი ხარ
შეიძლება უბრალოდ გადაღლილი ხარ. მუდმივი სწრაფვა, გადაწყვეტილებები, შიდა წნეხი, სოციალურ მედიაზე დაკვირვება... ყველაფერი ერთად გვძაბავს. როცა გრძნობ, რომ „არაფერი არ გინდა“, ზოგჯერ სინამდვილეში ნიშნავს: „მინდა დავისვენო“.
- სცადე რამდენიმე დღე სრული ტექნოლოგიური დისტანცია: ტელეფონი, სქროლვა, ტელევიზორი. იძინე კარგად, ისეირნე ბუნებაში და თავს არაფრის კეთების ნება მიეცი.
ჰკითხე საკუთარ თავს: „რა მომანიჭებს სიმშვიდეს ახლა?
“არ დაგჭირდება მომენტალურად პასუხი კითხვაზე: „რა მინდა ცხოვრებაში“ — კითხვას ისე დასვი, რომ ამ მომენტს შეეხებოდეს:
- „რა მომანიჭებს სიმშვიდეს დღეს?“
- „როგორ პატარა ნაბიჯს გადავდგამდი ახლა, რომ უკეთ ვიგრძნო თავი?“
ასეთი კითხვები იწვევს მოძრაობას — როცა მოძრაობ, გზა თავად გამოჩნდება.
გაიხსენე, ბავშვობაში რას აკეთებდი სიამოვნებით
ფსიქოლოგების თქმით, ის, რასაც ბავშვობაში ვაკეთებდით სიხარულით და ინტერესით — ხშირად არის ჩვენი ბუნებრივი გზის ანარეკლი.
- ხატავდი?
- ყვებოდი ისტორიებს?
- აგებდი რაღაცებს?
- მღეროდი?
დაბრუნდი იმ დროს. სცადე ხელახლა პატარა ნაბიჯით — ეს წარსული თამაშები შესაძლოა გახდეს მომავლის მიმართულება.
დაწერე შენი ქაოსი ფურცელზე
როცა აზრები გერევა, დაწერე რაც თავში მოგდის — ყველა კითხვა, შიში, სურვილი, რაც არ უნდა აბსურდულად გეჩვენოს.
დღიურის წერა გეხმარება ქაოსის გარეთ გამოტანაში. რაც შიგნითაა, გარეთ გადმოდის და იოლდება.
ილაპარაკე იმ ადამიანთან, ვისაც ენდობი
ხანდახან, უბრალოდ ხმამაღლა თქმა, რასაც ფიქრობ, უკვე აგაწყობინებს პასუხს. მეგობარი, ფსიქოლოგი, ან ადამიანი, ვინც არ განგსჯის — დაგეხმარება იპოვო ფარული ფიქრები საკუთარ თავში.
არ გინდა რჩევები — გინდა სივრცე, სადაც გისმენენ. ესეც ძალიან ძვირფასია.
იპოვე პატარა საქმე, რასაც აზრი აქვს შენთვის
სრულყოფილი იდეა შეიძლება ვერ გქონდეს, მაგრამ სცადე რაღაც პატარა, სასარგებლო, მაგალითად:
- დაეხმარე ვინმეს მოხალისედ სადმე
- გადაალაგე ნივთები და გააჩუქე
ეს ქმედება შენს ღირებულებებს შეგახსენებს და გზასაც ნათელს გაუხდის.
ნუ დაელოდები მოტივაციას — იმოქმედე
ხშირად ვფიქრობთ: „ჯერ მოტივაცია მჭირდებაო“, მაგრამ სინამდვილეში — მოტივაცია მოდის მოქმედების შედეგად.
სცადე მცირე მოძრაობა:
- წამოდექი და გაიარე 10 წუთი გარეთ
- დახატე რამე
- გახსენი წიგნი და წაიკითხე ერთი გვერდი
ეს პატარა ნაბიჯები გონებაში ქმნიან განცდას, რომ მართავ ცხოვრებას — და ეს გეხმარება მოტივაციის გაჩენაში.
დაწერე — არა „რა გინდა აკეთო“, არამედ „როგორ გინდა იგრძნო თავი“
ბევრ ადამიანს უჭირს მიზნების ჩამოწერა. სცადე სხვა გზა — კითხვაზე ასე უპასუხე:
„როგორ მინდა ვიგრძნო თავი ყოველდღე?“
პასუხი შეიძლება იყოს: „მშვიდად“, „ინტერესით“, „მოწესრიგებულად“, „სიყვარულით“...
ამ პასუხების მიხედვით შენ შეძლებ გადაწყვიტო, რისთვის იბრძოლო. არა კარიერის ან სტატუსის გამო — არამედ იმისთვის, რომ შენი შინაგანი მდგომარეობა იყოს ისეთი, როგორიც გინდა.
შეწყვიტე სხვის ცხოვრებაზე დაკვირვება
შეიძლება სწორედ ახლა ხარ იმ სტადიაში, როცა სხვა ადამიანების ცხოვრებით ცხოვრობ — შედარებები, მიღწევები, ტემპები...
შეამცირე სქროლვა. დაიბრუნე ფოკუსი შენზე. შენი გზა შენია. და ის შეიძლება საერთოდ არ ჰგავდეს სხვისას.
ნუ დაელოდები „სწორ დროს“ — დაიწყე ყველაფერი დღეს
იდეალური დრო არ არსებობს. ცხოვრება არასდროს არის ბოლომდე მოწესრიგებული, მაგრამ შენ შეგიძლია შექმნა სივრცე მოძრაობისთვის.
გადადგი ერთი პატარა ნაბიჯი, თუნდაც გაურკვევლობაში. ის ნაბიჯი გზას გაგიხსნის.
თუ ახლა ცხოვრებაში არ იცი რა გინდა — ეს ნორმალურია. ეს ეტაპია, და არა მარცხი. ეს დრო არ არის დაკარგული — ეს დროა შესაჩერებლად, დასაფიქრებლად და ახალი მიმართულების დასანახად.
შეეცადე გამოიჩინო საკუთარი თავის მიმართ სითბო და მოთმინება. ცხოვრება ცვლადია. შენ არ ხარ უძრავი წერტილი — შენ ხარ პროცესი.
და რაც არ უნდა იყოს შემდეგი ნაბიჯი, გერქმევა სითბო, ძალა და ნამდვილი მე.
წარმატებები შენს გზაზე!