როგორ მოვმართოთ ტვინი მუშაობაზე ფონური მუსიკის დახმარებით
ფონური მუსიკა — ეფექტური ინსტრუმენტი თუ ფარული ხელის შემშლელი?
მუსიკა, რომელსაც "ფონურად" ვუსმენთ, რეალურად არც ისე ფონურია. ის ან ხელს უწყობს პროდუქტიულობას, ან აფერხებს. ამიტომ შეგვიძლია, ის გამოვიყენოთ როგორც მიზანმიმართული ინსტრუმენტი — უბრალოდ სწორი მიდგომაა საჭირო.
როგორ ვუსმენთ მუსიკას — ეს არის მთავარი
1. აქტიური მოსმენა
ესაა შემთხვევა, როდესაც მთლიანად ვიძირებით მუსიკაში: ვუსმენთ მელოდიას, რიტმს, ტექსტს. ამ დროს პარალელურად სხვა საქმეზე კონცენტრაცია შეუძლებელია — რაც იდეალურია, თუ გვინდა სტრესი შევამციროთ, ფოკუსი გადავრთოთ ან ემოციური გადატვირთვა მოვახდინოთ. რეგულარული აქტიური მოსმენა ზრდის ემპათიასაც.
2. პასიური მოსმენა მიზნის მიხედვით
აქ ყურადღება მუსიკაზე არ არის სრულად გადატანილი. უბრალოდ ის გვეხმარება პროდუქტიულობის შენარჩუნებაში. მთავარია, არ ავირჩიოთ მუსიკა შემთხვევით — გავითვალისწინოთ ამოცანა: მაგალითად, მონოტონური ლირიკის გარეშე - წერისთვის, რიტმული - ფიქრისთვის ან მოსამზადებლად.
მუსიკის ჩვევად გადაქცევა
ტვინის აღმასრულებელ ფუნქციებზე (მეხსიერება, იმპულსების კონტროლი, ამოცანებს შორის გადართვა) მუსიკა დადებითად მოქმედებს.მაგალითად, ერთი და იგივე რიტმული მელოდია სამუშაო დროს ეხმარება ტვინს საქმიანობის ორგანიზებაში — ამსუბუქებს გადართვას ამოცანებს შორის და ზრდის კონცენტრაციას.თუ არსებობს სიმღერა, რომელიც ყოველთვის გაძლევს ენერგიას — გამოიყენე იგი არა მხოლოდ სპორტდარბაზში, არამედ დღეის შუა მონაკვეთშიც, როცა მოტივაცია დაბალია.
დროთა განმავლობაში კონკრეტულ მელოდიებზე ტვინი იწყებს ასოციაციების შექმნას. მუსიკა ხდება სიგნალი: ახლა დროა კონცენტრაციის, დროა მოტივაციის, დროა მოქმედების.
მარტივი პრაქტიკული ნაბიჯები
შექმენი სამ-სიმღერიანი მოკლე ფლეილისტები სხვადასხვა მიზნისთვის: კონცენტრაცია, ემოციური გადატვირთვა, ენერგიის სტიმულაცია
კონკრეტულ სიმღერას დაუკავშირე კონკრეტული ქცევა — ასე მუსიკა ჩვევად იქცევა
სიტყვებიან მუსიკას ერიდე, როცა წერ ან კითხულობ - გამოიყენე ინსტრუმენტული მუსიკა ამოცანებზე გადართვისას
დაიწყე და დაასრულე სამუშაო დღე ერთი და იმავე კომპოზიციით — ტვინი ამას დროთა განმავლობაში როგორც „სტარტის“ სიგნალს აღიქვამს
მუსიკა არ არის მხოლოდ გასართობი — ის შენი ფოკუსის საიდუმლოც შეიძლება გახდეს.