როგორია 6 ახალი სერიალი ნებისმიერი განწყობისთვის: დრამა, ექშენი და ცოტა იუმორიც
საუკეთესო და/The Better Sister
ორი და, რომელთაც სრულიად განსხვავებული ცხოვრება აქვთ, მოულოდნელად ისევ ერთიანდებიან მას შემდეგ, რაც ერთ-ერთის ქმარი იდუმალ ვითარებაში კვდება. წარსულის საიდუმლოებებს ამოხსნასთან ერთად, ისინი ცდილობენ ურთიერთობა თავიდან ააწყონ.
მოტორჰედები/Motorheads
მშობლიური ქალაქის დაბრუნების შემდეგ, კეტლინი და ზაკი ცდილობენ ყოველდღიურობას გაუმკლავდნენ, თუმცა ბავშვობაში დაკარგული მრბოლელი მამის აჩრდილი კვლავ თან სდევთ. მათთან ერთად სხვა აუტსაიდერები ერთიანდებიან, რათა ლეგენდარული მანქანა აღადგინონ და რბოლაში მიიღონ მონაწილეობა.
მოზარდები/Adults
კომედიური სერიალი 20+ ასაკის ნიუ-იორკელებზე, რომლებიც ცდილობენ „კარგი ადამიანები“ იყვნენ. აქვთ სამსახური და პასუხისმგებლობები, მაგრამ არ იციან, როგორ იცხოვრონ. შედეგი? უამრავი კომიკური სიტუაცია.
ფსონი/Bet
ელიტურ სკოლაში, სადაც აზარტული თამაშები სოციალურ იერარქიას ქმნის, უცნაური ახალი მოსწავლე გამოჩნდება. მისი წარსული ბნელი და საიდუმლოებით მოცულია. ის თამაშში ჩაერთვება არა გართობისთვის, არამედ შურისძიებისთვის — და უდანაშაულო ფსონი გადაიქცევა სახიფათო ბრძოლად.
საიდუმლოებები, რომლებსაც ვინახავთ/Secrets We Keep
როცა მდიდრულ უბანში ახალგაზრდა ქალი უგზო-უკვლოდ ქრება, მეზობლად მცხოვრები ქალი საკუთარ გამოძიებას იწყებს — მაგრამ ის ბევრად მეტს აღმოაჩენს, ვიდრე ელოდა.
მობლენდი/MobLand
კრიმინალური დრამა ორ დაპირისპირებულ ოჯახზე, რომლებიც სასიკვდილო დაპირისპირებაში ებმებიან. გამარჯვებული მიიღებს ყველაფერს — ძალაუფლებას, ფულს და გავლენას.