როგორ ავარჩიოთ თუთიყუში
ფრინველის შეძენის დროს ყურადღება მიაქციეთ მის ქცევას. ჩიტი არ უნდა იჯდეს მოწყენილი. თუ დღეა, თუთიყუში აქტიური უნდა იყოს. თუ სძინავს, ცალ ფეხზე უნდა იდგეს. ბუმბული არ უნდა ჰქონდეს გაბურძგნული ან დაფლეთილი. თვალები უნდა ქონდეს სუფთა და არა წყლიანი. თუ თუთიყუში არ რეაგირებს არაფერზე, შესაძლოა ის ავადაა. გამყიდველმა შეიძლება გითხრათ, რომ ის ნამგზავრი და დაღლილია, მაგრამ არ დაუჯეროთ მას. რეკომენდებულია შეიძინოთ ახალგაზდა თუთიყუში, რაც უფრო ახალგაზდაა - მით უკეთესია. იმისათვის, რომ თუთიყუშს ასწავლოთ ლაპარაკი, სასურველია მისი ასაკი 45-60 დღე იყოს.
მამალი თუ დედალი? როგორც წესი, ზომაში მამალი თუთიყუშები შედარებით დიდები არიან დედლებზე და უფრო განვითარებული აქვთ ბუმბული. ტალღოვანი თუთიყუშის სქესის გაგება ყველაზე მარტივია 1 ან 6 თვის ასაკში. ერთი თვის მამალი თუთიყუშის ნისკარტს მოლურჯო-მოვარდისფრო ფერი დაჰკრავს, დედალს კი მოვარდისფრო-თეთრი. ცოტა მოზრდილი მამლის ნისკარტი ხდება ღია ლურჯი ან მოლურჯო-მოყავისფრო შეფერილობის, დედლების კი ყავისფერი. იშვიათია ფერი არ ემთხვეოდეს სქესს, ან იცვლებოდეს ასაკთან ერთად.
ერთი თუ ორი? ყველაფერი დამოკიდებულია იმაზე, თუ რა მიზნისთვის ყიდულობთ თუთიყუშს. თუ ის იქნება თქვენი "მეგობარი" და გაგამხიარულებთ თავისი ლაპარაკით, მაშინ სასურველია ერთი იყიდოთ. თუ დღის გრძელ მონაკვეთს არ ატარებთ სახლში, თუთიყუში მოიწყენს, ან თუ თქვენ აპირებთ მათ გამრავლებას, მაშინ სასურველია შეიძინოთ წყვილი, მამალი და დედალი. უმჯობესია შეიძინოთ სხვადასხვა მშობლებისგან.
როგორ შევურჩიოთ და მოვუწყოთ გალია თუთიყუშს
პირველი სიტყვა - როგორ ვასწავლოთ ტალღოვან თუთიყუშს ლაპარაკი?