როგორ გავუმკლავდეთ ტკივილს, როცა ხელი კარში მოგყვათ - rogor.ge

წაისვით ყინული დაზიანების ადგილზე. სამედიცინო თვალსაზრისით, ეს არის პირველი, რაც უნდა გააკეთოთ, თუ თითი კარებში მოგყვათ. თავიდან ყინულმა შეიძლება გამოიწვიოს უსიამოვნო ჩხვლეტის შეგრძნება, მაგრამ ღირს ცოტა მოთმინება. გარკვეული პერიოდის შემდეგ, დაბალი ტემპერატურის გავლენით, ქსოვილების მგრძნობელობა დაიკლებს და შვებას იგრძნობთ.

მოდუნდით. თავიდან შეიძლება პანიკაში ჩავარდეთ, მაგრამ არ დანებდეთ! მნიშვნელოვანია, არ ინერვიულოთ, რადგან სტრესის დროს არტერიული წნევა მატულობს, რაც ხელს უწყობს შეშუპების გაჩენას. იმის ცოდნა, თუ როგორ უნდა აკონტროლოთ საკუთარი თავი, დაგეხმარებათ კონცენტრირებაში და ტკივილთან გამკლავებაში უმოკლეს დროში.

მიიღეთ ტკივილგამაყუჩებელი. არ დაგავიწყდეთ, რომ სერიოზული დაზიანებების შემთხვევაში საჭიროა ექიმის ნახვა, რომელიც დაგინიშნავთ სწორ მკურნალობას, მაგრამ თუ სისხლჩაქცევა უმნიშვნელოა, ტკივილგამაყუჩებლები, რომლებიც გაიცემა რეცეპტის გარეშე, დაგეხმარებათ ტკივილის მართვაში. როგორც წესი, ასეთ შემთხვევებში რეკომენდებულია პარაცეტამოლის („პარაცეტამოლი“, „პანადოლი“) ან იბუპროფენის („ნუროფენი“, „მიგ400“) მიღება. მიიღეთ ყველა მედიკამენტი მკაცრად ინსტრუქციის მიხედვით. პარაცეტამოლი უნდა მიიღოთ ყოველ 4-6 საათში ერთხელ, იბუპროფენი ყოველ 6-8 საათში. თუ გაქვთ საჭმლის მომნელებლის ან თირკმელების პრობლემები (ან თუ ორსულად ხართ), არ მიიღოთ იბუპროფენი ექიმთან კონსულტაციის გარეშე. ღვიძლის პრობლემები პარაცეტამოლის მიღების უკუჩვენებაა.

კონცენტრირდით თქვენს სუნთქვაზე. სწორი ღრმა სუნთქვა დამშვიდებასა და გულისცემის შემცირებაში დაგეხმარებათ. ფოკუსირით თქვენი სუნთქვის თითოეულ ფაზაზე და იმაზე, თუ როგორ შედის ჰაერი თქვენს სხეულში: იგრძენით, რომ ის გადის ცხვირის არხებში და შემდეგ მკერდში, შეეცადეთ წარმოიდგინოთ, როგორ გადის ჰაერი შეუფერხებლად თქვენს ორგანოებში. მთელი თქვენი ყურადღება გაამახვილეთ ამ პროცესზე და ამ შეგრძნებებზე. ჩაისუნთქეთ ნელა და ღრმად ისე, რომ ჯერ მუცელი აივსოს ჰაერით და მხოლოდ ამის შემდეგ მკერდი. თუ კიდევ უფრო ღრმად ვერ ჩაისუნთქავთ, შეიკავეთ სუნთქვა რამდენიმე წამით. ამოისუნთქეთ ნელა და მშვიდად, აკონტროლეთ დიაფრაგმის მოძრაობა და თანდათანობით ამოისუნთქეთ ჰაერი. როგორც კი ღრმად ჩაისუნთქავთ, გაჩერდით რამდენიმე წამით, სანამ არ იგრძნობთ თავს მოდუნებულად.

შეეცადეთ თავი დააღწიოთ ტკივილს. ტკივილის შესამცირებლად, ყურადღება სხვა რამეზე უნდა გადაიტანოთ. მოუსმინეთ თქვენს საყვარელ მუსიკას, უყურეთ ამაღელვებელ სერიალს ან ფილმს, ესაუბრეთ ოჯახს ან მეგობრებს, ან გააკეთეთ მარტივი, სასიამოვნო აქტივობა, რომელიც არ გაგრძნობინებთ სტრესს. იპოვეთ ისეთი რამ, რისი კეთებაც გსიამოვნებთ, რაც ტკივილს დაგავიწყებთ.

წარმოადგინეთ თქვენი საყვარელი კერძი. სამეცნიერო კვლევებმა აჩვენა, რომ სურათები, ვიდეო ან მელოდიები, რომლებიც გეხმარებათ მოდუნებაში, დაგეხმარებათ ქრონიკული და მწვავე ტკივილის შემცირებაში. საინტერესოა ისიც, რომ ბოლო კვლევების თანახმად, თქვენი საყვარელი კერძის მხოლოდ ვიზუალიზაციაც კი გეხმარებათ იმავე შედეგის მიღწევაში დამატებითი გარეგანი სტიმულაციის გარეშეც კი. წარმოიდგინეთ, როგორ მიირთვით თქვენი საყვარელი კერძი, იქნება ეს ჩიზბურგერი თუ შოკოლადის ფილა. მნიშვნელოვანია თითოეული დეტალის ვიზუალიზაცია, რათა გონებრივად იგრძნოთ კერძის არომატი, გემო და ტექსტურა.