როგორ მოიფიქროთ ექსკლუზიური მეტსახელი (nickname) სოციალური ქსელების ანგარიშებისთვის
იფიქრეთ იმაზე, გსურთ თუ არა თქვენი ვინაობის გამხელა ინტერნეტში. თუ არ გსურთ, მაშინ შეეცადეთ გამოიყენოთ სხვადასხვა მეტსახელი თითოეულ თამაშში ან თითოეულ საიტზე. შეინახეთ ჩანაწერი, თუ სად რომელ მეტსახელს იყენებთ.
დააკვირდით თქვენს სახელს და გვარს. ალტერნატიულად, შეაერთეთ გვარისა და სახელის ნაწილი, მიიღებთ უნიკალურ მეტსახელს.
თუ გსურთ, ხაზი გაუსვათ თქვენს ასაკს. ამისათვის გამოიყენეთ დაბადების წელი და არა ასაკი ქსელში რეგისტრაციის დროს.
მოიფიქრეთ მეტსახელი ქართულად და თარგმნეთ ინგლისურად, ამ შემთხვევაში საინტერესო ვარიანტებს მიიღებთ.
თქვენი მეტსახელი უნდა იყოს სწრაფი და ადვილად წასაკითხი. უმჯობესია აირჩიოთ მარტივი მეტსახელი. გასათვალისწინებელია, რომ იზრდებით და ასაკთან ერთად თქვენმა მეტსახელმა არ უნდა გამოიწვიოს დაცინვა სხვა ინტერნეტ მომხმარებლების მხრიდან. გასათვალისწინებელია ისიც, რომ სამუშაოსთვის დაგჭირდებათ სხვა ანგარიშები, თუ არ გსურთ თქვენი მეტსახელით უხერხულ სიტუაციაში აღმოჩნდეთ.
მეტსახელის არჩევისას, გოგონამ უნდა დაიმახსოვროს რამდენიმე წესი: უპირველესად, აირჩიეთ ნეიტრალური მეტსახელი, თუ არ გსურთ ზრდასრული მამაკაცის ყურადღების მიპყრობა. მეორეც, მეტსახელის არჩევისას გაავლეთ ზღვარი ქალურობასა და ვულგარულობას შორის.
მამაკაცებმა უნდა იფიქრონ იმაზე, რომ არ იყოს დისონანსი მეტსახელსა და მის ასაკს ან საქმეს შორის. მაგალითად, ზედმეტსახელი „პატარა პონი“ საკმაოდ სასაცილოდ და უცნაურად ჟღერს, როცა 40 წლის ხართ.