როგორ აღვადგინოთ ურთიერთობა ღალატის შემდეგ
გამოიკვლიეთ ღალატის ძირითადი მიზეზი
ყურადღება მიაქციეთ თქვენი ქცევის უკან არსებულ მოტივებსა და იმპულსებს. შესაძლოა დამოუკიდებლობა ან თავისუფლება გსურთ. როგორც არ უნდა იყოს საქმე, საკუთარ თავთან გულწრფელობა დაგეხმარებათ იმის გარკვევაში, თუ რატომ უარყავით ერთგულება და გასცდით ჩარჩოებს. ასევე, გაითვალისწინეთ თქვენი მდგომარეობა. იყავით სტრესულ ან დეპრესიულ მდგომარეობაში? იფიქრეთ სტიმულირების საჭიროებაზე.
აღიარეთ დანაშაული და იყავით პასუხისმგებელი თქვენს ქცევაზე
როცა თქვენს ღალატს შეეგუებით, უფრო ადვილი იქნება საყვარელი ადამიანის მოტყუების აღიარება. უფრო სავარაუდოა, რომ ის გაპატიებს, თუ თქვენს შეცდომებს აღიარებთ. თქვენ ნაკლებად დააზარალებთ პარტნიორს, თუ მას არ გადააბრალებთ დანაშაულს.
წარმოიდგინეთ თქვენი იდეალური ურთიერთობა
გაანალიზეთ, რა გსურთ ურთიერთობისგან, რათა სხვასთან არ ეძებოთ ის, რაც არ გაქვთ. ჩამოთვალეთ თქვენი საჭიროებები და წარმოიდგინეთ ისეთი ურთიერთობა, რომელიც დაგაკმაყოფილებთ. შეიძლება აღმოაჩინოთ, რომ ყველა თქვენი სურვილი დაკმაყოფილდება ერთგული პარტნიორობით. არის თუ არა თქვენთვის მნიშვნელოვანი სექსი ურთიერთობაში ? გსურთ, რომ თქვენი პარტნიორი იყოს უფრო მოსიყვარულე?ურთიერთობაში დამოუკიდებლობის იმედი გაქვთ?
მოიშორეთ მოტყუების ყოველგვარი ცდუნება
მოერიდეთ სარისკო სიტუაციებს, რათა ადვილად შეინარჩუნოთ ერთგულება. თუ თქვენ მზად ხართ შეწყვიტოთ მოტყუება, თავიდან აიცილებთ შეცდომების უმეტესობას. მაგალითად, ნუ იქნებით გასართობ ადგილებში პარტნიორის გარეშე , ან ნუ წახვალთ სამოგზაუროდ მარტო და სხვა.
გქონდეთ პარტნიორთან "ღია" კომუნიკაცია
როდესაც პარტნიორთან საუბარს გადაწყვეტთ ღალატის თემაზე, დარწმუნდით, რომ სრულიად მზად ხართ ამისთვის. არ გამოგრჩეთ არც ერთი დეტალი, შეინარჩუნეთ სიმშვიდე. შესაძლოა თქვენი პარტნიორი არ იყოს მზად მაშინვე გაპატიოთ. მიეცით გარკვეული დრო ფიქრისთვის.
გადაწყვიტეთ, აპირებთ თქვენი ურთიერთობის აღდგენას, თუ დასრულებას
დაფიქრდით, შეგიძლიათ თუ არა ერთგულება თქვენი პარტნიორის მიმართ — შესაძლოა, თქვენ გადაწყვიტეთ, რომ გსურთ გამოსწორება, ან შეიძლება გჯეროდეთ, რომ საუკეთესოა თქვენი ურთიერთობის დასრულება, რადგან ეს ორივე მხარისთვის სასარგებლო იქნება. გახსოვდეთ, რომ თქვენს პარტნიორს შესაძლოა მაინც არ სურდეს თქვენთან დარჩენა, მაშინაც კი, თუ თქვენ გსურთ ურთიერთობის აღდგენა.
წყარო: wikihow.com