როგორ დავიწყოთ საახალწლო შოპინგი ნაადრევად
იცოდეთ, ვისთვის ყიდულობთ საჩუქრებს. ზოგი საჩუქრებს მხოლოდ ოჯახისა და მეგობრებისთვის ყიდულობს. ზოგი კი თანამშრომლებისთვის და სხვა ნაცნობებისთვის. გადაწყვიტეთ და ჩამოწერეთ სია, ვისთვის გჭირდებათ საახალწლო საჩუქრები.
ბიუჯეტის განსაზღვრა. საახალწლო საჩუქრების ბიუჯეტი წინასწარ უნდა განსაზღვროთ, ნაცვლად იმისა, რომ ყოველ ნოემბერში, ან დეკემბერში რაიმე გზით მოიძიოთ დამატებითი თანხები. თქვენ ყოველთვის შეგიძლიათ დაიწყოთ ყოველთვიურად მცირე თანხის დაზოგვით. გქონდეთ წარმოდგენა იმაზე, თუ რამდენს დახარჯავთ თითოეულ ადამიანზე. მაგალითად, თქვენ დახარჯავთ უფრო მეტ ფულს ოჯახის წევრებზე, ვიდრე თანამშრომელზე.
გადაწყვიტეთ, რა სახის საჩუქარი შეესაბამება თითოეულ ადამიანს. რა მოსწონთ მათ? ფილმები, წიგნები, თამაშები? წარმოიდგინეთ, რა საჩუქრები მოეწონებათ თქვენს სიაში მყოფ ადამიანებს. ჩაწერეთ იდეები თქვენს სიაში. მოუსმინეთ სხვა ადამიანებს იდეებისთვის და ჩაწერეთ ისინიც. შემდეგ შეინახეთ ეს სია.
იყიდეთ რაც შეიძლება ადრე. ბევრი ადამიანი ყიდულობს ბოლო წუთას, ამის ნაცვლად, შეადგინეთ გეგმა მყარი მიზნებით, თარიღებითა და ვადებით. მაგალითად, იშოპინგეთ 20 დეკემბრამდე. ამ ამოცანის შესასრულებლად გამოყავით ორი საღამო, კვირაში ორჯერ 2 კვირის განმავლობაში.
შეადგინეთ საყიდლების გეგმა. შესაძლოა, თქვენ არ ხართ ისეთი ადამიანი, ვისაც უყვარს შოპინგი, ან არ გაქვთ დრო, რომ დაათვალიეროთ საშობაო საჩუქრები მთელი წლის განმავლობაში. ამის ნაცვლად, გამოყავით დროის ერთი პერიოდი, როგორიცაა შაბათ-კვირა ან სპეციალური სავაჭრო მოგზაურობა.
კარგად დამალეთ საჩუქრები. დამალვა ურთულესი ნაწილია საჩუქრის ადრეული ყიდვისას, მაგრამ ეს სავსებით შესაძლებელია. თუ ადამიანთან ერთად ცხოვრობთ, დამალეთ იგი კარადაში, სათამაშოების ყუთში, გარდერობის უკანა მხარეს და ა.შ. და დატოვეთ ზურგჩანთებში ან სხვა გაუმჭვირვალე ჩანთებში.
წყარო: wikihow.com