როგორ დავიცვათ თმა ზედმეტი ცხიმიანობისგან
თმის ყოველდღიურად დაბანამ შეიძლება ის უფრო ცხიმიანი გახადოს. ამის ნაცვლად, შეეცადეთ დაიბანოთ 2-3 დღის შუალედით. ამას შესაძლოა რამდენიმე კვირა დასჭირდეს, მაგრამ თქვენი თმა რეალურად შეწყვეტს ყოველდღიურად ბუნებრივი ზეთის გამოყოფას, რის შედეგადაც თმა ნაკლებად ცხიმიანი გექნებათ. იმ დღეებში, როცა თმას არ იბანთ, ატარეთ შხაპის ქუდი, რომ თმა მშრალი იყოს.თუ ბევრს ოფლიანობთ, შეიძლება თმის უფრო ხშირად დაბანა მოგიწიოთ.
ყურადღება მიაქციეთ, რომელ შამპუნებს იყენებთ. მოძებნეთ პროდუქტები, რომლებიც განკუთვნილია სპეციალურად ცხიმიანი თმისთვის. ასეთი შამპუნები ნაზად აშორებს ჭუჭყს, სკალპის გაღიზიანების გარეშე. მოძებნეთ შამპუნი თუთიის სულფატით, რომელიც დაგეხმარებათ გაასუფთავოთ სკალპი და გააკონტროლოთ ცხიმის დაგროვება. როდესაც თმას იბანთ, ეცადეთ, სკალპი ძალიან ძლიერად არ დაიბანოთ, ეს სინამდვილეში თმას ნაკლებად ცხიმიანს არ გახდის. ამავდროულად, თქვენ არ გჭირდებათ ბევრი შამპუნის გამოყენება - მეოთხედიც კი საკმარისია სკალპის გასაწმენდად, მაშინაც კი, თუ ძალიან გრძელი თმა გაქვთ.
კონდიციონერი დამატენიანებელია, მაგრამ შეიძლება მეტად გაგიცხიმიანოთ თმა. თუ გაწუხებთ ცხიმიანი თმა, ნუ წაისვამთ კონდიციონერს თმის ძირებში. წაისვით იგი თმის ნახევრიდან ბოლოებამდე. თუ თქვენ გაქვთ ხვეული ან ტალღოვანი თმა, გამოიყენეთ დამატენიანებელი კონდიციონერი თქვენი ხვეულების დასატენიანებლად.
მშრალი შამპუნი ხელს უწყობს ცხიმების შეწოვას და თქვენი თმის მოცულობაში ზრდას. შეისხურეთ მცირე რაოდენობის მშრალი შამპუნი ძირებთან ახლოს, შემდეგ კი თითებით შეიზილეთ იგი თავის სკალპში. ის შთანთქავს ბუნებრივ ზეთებს და თქვენს თმას უფრო სუფთას და ბზინვარებას გახდის. შეზელვისთვის შეგიძლიათ გამოიყენოთ თმის ჯაგრისი.თუ მუქი თმა გაქვთ, აუცილებლად იყიდეთ უხილავი მშრალი შამპუნი, რათა თავიდან აიცილოთ თეთრი ფხვნილისგან ნაცრისფერი შეფერილობის მიღება.
ზედმეტმა დავარცხნამ შეიძლება აიძულოს თქვენი სკალპი, რომ გამოყოს მეტი ცხიმი. ამის ნაცვლად, შხაპის მიღებამდე ერთხელ დაივარცხნეთ თმა, შემდეგ კი სველ თმაზე გამოიყენეთ ფართოკბილიანი სავარცხელი. დარწმუნდით, რომ სავარცხელი ეხება თქვენს სკალპს, რათა მოიცილოთ მკვდარი კანი და იგრძნოთ თმა სუფთად. იყავით ძალიან ფრთხილად, როდესაც თმას ივარცხნით, როცა ის ნესტიანი ან სველია. დაიწყეთ ბოლოებიდან და ნელ-ნელა ადით ზემოთ, რათა თავიდან აიცილოთ თმის დანაწევრება.
თმის საშრობის გამოყენება მეტად გიცხიმიანებთ თმას. ეს იწვევს კიდევ უფრო ცხიმიან სკალპს. შეეცადეთ თმა ბუნებრივად გაშრეს, რათა თავიდან აიცილოთ ცხიმიანობა. თუ მაინცდამაინც გსურთ საშრობით გაშრობა, აუცილებლად გამოიყენეთ სითბოს დამცავი სპრეი პოტენციური დაზიანების თავიდან ასაცილებლად. თმის გასწორებამ ასევე შეიძლება გამოიწვიოს ცხიმის დაგროვება. შეეცადეთ შეზღუდოთ საშრობების და თმის უთოების გამოყენება თქვენი თმისა და სკალპის ჯანმრთელობის შესანარჩუნებლად.
წყარო: wikihow.com