როგორ ვიგრძნოთ თავი ბედნიერად მაშინაც, თუ ბედნიერი არ ვართ
გაიღიმეთ. მარტივი გზა გამოიყურებოდე და იმოქმედო ბედნიერად, არის ღიმილი. მაგრამ იცოდით, რომ ღიმილს ნამდვილად შეუძლია თქვენი განწყობის ამაღლება? ღიმილმა შეიძლება გამოიწვიოს ბედნიერების განცდა, ისევე როგორც ბედნიერებამ შეიძლება გამოიწვიოს ღიმილი. სცადეთ გაიღიმოთ არა მხოლოდ ტუჩებით, არამედ მთელი სახით. იგრძენით, რომ ლოყები და თვალები იცვლებიან ღიმილის დროს. ასეთი ღიმილი ასოცირდება დადებით ემოციებთან. თუ თავს მოწყენილად გრძნობთ, შეებრძოლეთ ამ გრძნობებს ღიმილით. შეეცადეთ დაუკავშირდეთ ღიმილის შეგრძნებებს და განიცადეთ ბედნიერება.
იყავით თავდაჯერებულები. არასასიამოვნო სიტუაციის გადალახვა გაურკვევლობის დროს ერთგვარი უნარია და შეიძლება მივაწეროთ თავდაჯერებულობას. თუ თქვენ გაქვთ პრეზენტაცია და გეშინიათ, გამოიყენეთ თქვენი თანდაყოლილი თავდაჯერებულობა. უთხარი საკუთარ თავს, რომ შეგიძლია ამის გაკეთება. დიდი შანსია, თუ თავდაჯერებულობას გამოიჩენთ (თუნდაც ეს თავიდანვე იძულებითი ან არაბუნებრივი იყოს), ხალხი დაიჯერებს, რომ კომპეტენტური ხართ. ილაპარაკეთ ხმამაღლა, გარკვევით და მოიქეცით ისე, თითქოს ბოლომდე დარწმუნებული ხართ საკუთარ შესაძლებლობებში.
ყურადღება მიაქციეთ თქვენი სხეულის ენას. თუ მორცხვი ხართ, ქვემოდან იყურებით ან ხელები/ფეხები გადაჯვარედინებული გაქვთ, ადამიანები ადვილად ამოიცნობენ თქვენს შიშებს და კომპლექსებს. ამიტომ თქვენი სხეულის ენის შეცვლა დაეხმარება გონებას, რომ მეტად თავდაჯერებულები იყოთ.
მოიპოვეთ სიმშვიდე. რელაქსაცია დაგეხმარებათ შფოთვებისგან თავის დაღწევაში. თუ თავს დაძაბულად, მოუსვენრად ან უბედურად გრძნობთ, სცადეთ რელაქსაციის რამდენიმე ტექნიკა, რომელიც დაგეხმარებათ უფრო დაბალანსებულად იგრძნოთ თავი. ეს შეიძლება იყოს განსაკუთრებით გამოსადეგი დიდი პრეზენტაციის წინ ან ისეთი რაღაცის დროს, რაც ნამდვილად გაწუხებთ. შეანელეთ სუნთქვა და დაიწყეთ სუნთქვის დათვლა, 4 წამი ჩაისუნთქეთ, შემდეგ 4 წამი ამოისუნთქეთ. გააგრძელეთ 6 წამიანი ინტერვალით, დააკვირდით თქვენს სუნთქვას თქვენი სხეულის შიგნით და გარეთ. გამოიყენეთ კუნთების რელაქსაცია დაძაბული კუნთების მოსადუნებლად. თქვენ შეგიძლიათ გააკეთოთ კუნთების პროგრესული რელაქსაცია, რომელიც ფოკუსირებულია თქვენი სხეულის სხვადასხვა ნაწილზე ერთდროულად, ათავისუფლებს ნებისმიერ დაძაბულობას, რომელსაც გრძნობთ. დაიწყეთ ფეხის თითებით, შემდეგ იმუშავეთ კუნთების ჯგუფებზე ფეხების, თეძოების, კუჭის, მკერდის, მკლავების, მხრებისა და კისრის მეშვეობით.
შეცვალეთ თქვენი დამოკიდებულება. თქვენი დამოკიდებულების შეცვლა შეიძლება განსაკუთრებით მნიშვნელოვანი იყოს უსიამოვნო მოვლენის წინ. გამოყავით რამდენიმე წუთი ნეგატიურ აზრებზე დასაფიქრებლად და დადებითი ასპექტების დასანახად. შეიძლება უარყოფითი აზროვნების ციკლში იყოთ ჩარჩენილი და გჭირდებათ გადახედვა, რათა დაგეხმაროთ უფრო პოზიტიურად იგრძნოთ თავი. თქვენი დამოკიდებულების შეცვლა დაგეხმარებათ საკმარისად ბედნიერად იგრძნოთ თავი რთული სიტუაციის გადალახვის დროს. თუ თქვენ უნდა წახვიდეთ ღონისძიებაზე, რომელსაც არ მოგწონთ, შეცვალეთ თქვენი დამოკიდებულება. დაიმახსოვრეთ, რომ ეს მოვლენები ხშირად არ ხდება და თქვენ შეგიძლიათ გაუმკლავდეთ მას, მაშინაც კი, თუ ეს უსიამოვნო იქნება. იფიქრეთ, რომ შეიძლება შეხვდეთ საინტერესო ადამიანს, მიირთვათ კარგი საკვები და ა.შ.
ესაუბრეთ საკუთარ თავს. თუ გიჭირთ ბედნიერად გამოიყურებოდეთ, ან იგრძნოთ თავი ბედნიერად, დიდი შანსია, რომ უარყოფითი აზრები გაწუხებთ. საკუთარ თავთან საუბარი დაგეხმარებათ, რომ თქვენი ნეგატიური ან არასახარბიელო ფიქრებიდან ფოკუსირება მოახდინოთ საკუთარი თავის დამშვიდებაზე, რის შედეგადაც უსიამოვნო სიტუაციებს მარტივად გადალახავთ.
წყარო: wikihow.com