როგორ არ გავსუქდეთ კლიმაქსის დროს
პოსტმენოპაუზისას ქალებში აღინიშნება წონის მატება, რაც ჯანმრთელობისთვის დამატებითი პრობლემების მომტანია. ამის შესასწავლად მეცნიერებმა შეისწავლეს 3312 საშუალო ასაკის ბრიტანელის მეტაბოლური პროფილი. მათგან 1492-ს მენოპაუზის შემდეგ განმეორებითი კვლევები ჩაუტარდა. მკვლევარებს ასევე აინტერესებდათ ამ ქალების ცხოვრების წესი და ცხიმოვანი მასის ცვლილება.
მენოპაუზისას ცხიმოვანი ქსოვილის მოცულობა მატულობს და ის მუცლისკენ გადანაწილდება. ქვეითდება ძვლოვნი და კუნთოვანი მასის წილი. განსაკუთრებული ცვლილებები ხდება პრემენოპაუზას (როდესაც ქვეითდება სასქესო ჰორმონების დონე ორგანიზმში) და პერიმენოპაუზას (როდესაც კლიმაქსის პირველი ნიშნები ჩნდება) შორის პერიოდში. თუმცა ზომიერი ფიზიკური აქტივობა და ცხოვრების ჯანსაღი წესი ნეგატიური შედეგების მინიმიზაციის საშუალებას იძლევა. პოსტმენოპაუზაში მდგომარეობა სტაბილურდება და მასზე ზემოქმედება უფრო რთულია.
მენოპაუზის მეტაბოლიზმზე ზემოქმედების შესამცირებლად მკვლევრები გვირჩევენ ჯერ კიდევ მის დაწყებამდე ყურადღება დავუთმოთ საშუალო და მაღალი ინტენსივობის ვარჯიშს, რომელიც მიმართული იქნება კუნთოვანი მასის ზრდისკენ.
წყარო: mkurnali.ge