როგორ მოვამზადოთ კოტლეტი "გლეხურად" - rogor.ge

როგორ მოვამზადოთ კოტლეტი "გლეხურად"

 

საქონლის და ღორის ხორცი წვრილად დაკეპეთ. შეგიძლიათ გაატაროთ ხორცის საკეპ მანქანაში. ხახვი, ნიორი, წითელი ბულგარული, მწვანე წიწაკა, მწვანილები და ფხვნილად დაფშვნილი დაფნის ფოთოლი შეურიეთ ხორცის ფარშს. მასშივე დაამატეთ ათქვეფილი კვერცხი, მარილი და კარგად მოურიეთ. ფარში საჭიროებს კარგად მორევას და დაბეგვას რათა გავზარდოთ მისი წებოვნება. ორი ან სამი დღის თეთრი პურის რბილობი დაფშვენით და ამოავლეთ მასში გამზადებული კოტლეტები.

 

კოტლეტები ''გლეხურად'' შეწვით ზეთში. კოტლეტის მეორე მხარის შეწვის შუა პროცესში დაახურეთ თავსახური ტაფას. კოტლეტი შესაძლებელია მომზადდეს ცხვრის ან ხბოს ხორცით. ხბოს ხორცის შემთხვევაში ფარშში მოგიწევთ რძეში დამბალი პურის დამატება.

 

გარნირად შეგიძლიათ მოამზადოთ კარტოფილი ''გლეხურად'', ამისათვის საჭიროა მოხარშოთ კარტოფილი კანიანად. მოხარშულ კარტოფილს გააცალეთ კანი და დაჭერით დიდ ნაჭრებად. სვანური მარილი გახსენით ზეთში და ამოავლეთ ამ ნაზავში კარტოფილი.

 

მოათავსეთ კარტოფილი ღუმელში 250 გრადუს ტემპერატურაზე 10 წუთის განმავლობაში.