როგორ მოვამზადოთ "რამენი"?
მომზადების მეთოდი:
მოხარშეთ კვერცხები მაგრად. გადაავლეთ ცივი წყალი და გაფცქვენით.
გარეცხეთ ხორცი და დაჭერით მომცრო ნაჭრებად. გარეცხეთ და დაჭერით ნახევარი კონა მწვანე ხახვი.
ნივრის კბილები შუაზე გაჭერით.
თხელ ნაჭრებად დაჭერით ჯანჯაფილი.
ქვაბში ჩაასხით წყალი (600 მლ), ჩადეთ ხორცი და აადუღეთ წყალი. მოხადეთ ქაფი; დაუკელით ცეცხლს.
ჩაუმატეთ ნიორი, ხახვი, ჯანჯაფილი და მარილი. ხარშეთ 20-25 წთ.
მოხარშეთ ლაფშა.
ბულიონიდან ამოიღეთ ხორცი, ხახვი, ნიორი და ჯანჯაფილი. ხორცი ტაფაზე მობრაწეთ, სოიოს სოუსთან და შაქართან ერთად. გააჩერეთ 2 წუთი.
მოხარშული კვერცხები შუაზე გაჭერით, დაჭერით დარჩენილი მწვანე ხახვი.
სუპის ჯამში ჩაყარეთ ლაფშა, ხორცი და მწვანე ხახვი, დაასხით ხორცის ბულიონი.