როგორ ვიგრძნოთ თავი კომფორტულად მანქანაში დიდხნიანი მგზავრობის დროს, მგზავრის ამპლუაში
თან წაიღეთ სამგზავრო ბალიში და მსუბუქი პლედი. პატარა სამგზავრო ბალიში შეიძლება იყოს დიდი კომფორტი საგზაო მოგზაურობაში. შეგიძლიათ დაამაგროთ იგი ფანჯარასთან და დაეყრდნოთ მას, მოათავსოთ იგი თავის უკან ან ზურგსა და სავარძელს შორის, რათა თავიდან აიცილოთ ზურგის ტკივილი. წაიღეთ მსუბუქი პლედი, რომლებიც ადვილად ეტევა მანქანაში და ადვილად დაიკეცება.
თან იქონიეთ ერთჯერადი წინასწარ დატენიანებული ტანის სველი ხელსახოცები. მანქანაში საათობით ყოფნისას შეიძლება გაოფლიანდეთ. ზოგიერთი მოგზაურობა შეიძლება იმდენად გრძელი იყოს, რომ შხაპზე წვდომა არ გქონდეთ ერთი ან ორი დღის განმავლობაში. თქვენ შეგიძლიათ მარტივად გაიწმინდოთ სხეული წინასწარ დატენიანებული ტანის ხელსახოცებით. შეიძინეთ ისეთი, რომლებიც არ შეიცავს ალკოჰოლს. შეინახეთ ხელსახოცები მახლობლად, ჩანთაში ან ზურგჩანთაში, რათა ნებისმიერ დროს შეძლოთ მათი ამოღება.
შეამცირეთ სტრესი ღრმა სუნთქვის ვარჯიშებით. მანქანით დიდ მანძილზე მოგზაურობა შეიძლება იყოს სტრესული როგორც თქვენი სხეულისთვის, ასევე გონებისთვის. მარტივი ღრმა სუნთქვის ვარჯიშები დაგეხმარებათ და მათი შესრულება ადვილია ნებისმიერ დროს. ნელა ჩაისუნთქეთ ცხვირით და ხუთამდე დაითვალეთ. შემდეგ ნელა ამოისუნთქეთ პირით. გაიმეორეთ რამდენჯერმე. ეს აფართოებს თქვენს დიაფრაგმას და იძლევა ჟანგბადის მაქსიმალური მიღების საშუალებას. თუ წარსულში მედიტირებდით, შეგიძლიათ ღრმა სუნთქვის ვარჯიშები გააერთიანოთ მინი-მედიტაციის შესვენებებთან.
წაიღეთ საკითხავი მასალა. თან წაიღეთ ვარიანტების ასორტიმენტი. ყველას სიამოვნებს სხვადასხვა საკითხავი მასალა - თან იქონიეთ ის, რაც მოგწონთ და რაც იცით, რომ წაიკითხავთ. მოიწყვეთ პირადი კითხვის შუქი, თუ აპირებთ ღამით მოგზაურობას. თუ თქვენ გაქვთ შეზღუდული თავისუფალი ადგილი მანქანაში, გაითვალისწინეთ წიგნების ჩატვირთვა თქვენს Kindle-ზე ან ტაბლეტზე. სივრცის დაზოგვის გარდა, თქვენ ასევე შეძლებთ მარტივად წაიკითხოთ ტაბლეტიდან სიბნელეში.
წაიღეთ გულისრევისა და თავის ტკივილის საწინააღმდეგო წამალი. გულისრევის საწინააღმდეგო წამალი აუცილებელია, თუ მგზავროვას ვერ იტანთ. იმ შემთხვევაშიც, თუ მოგზაურობის დროს გულისრევა არ გაქვთ, ყოველი შემთხვევისთვის ჩადეთ გულისრევის საწინააღმდეგო წამალი. ხანგრძლივი დროის განმავლობაში წიგნის კითხვამ ან მუსიკის მოსმენამ შეიძლება გამოიწვიოს თავის ტკივილი - შეისვენეთ ყოველ რამდენიმე საათში და თან იქონიეთ თავის ტკივილის წამალი, როგორიცაა ასპირინი ან იბუპროფენი.
წყარო: wikihow.com