როგორ აღმოაჩინეს შავი ზღვის ფსკერზე 2400 წლის წინანდელი პორტი
აღმოჩენებს შორის იყო უძველესი ბურჯის ორი ნაწილი, უძველესი პერიოდისთვის დამახასიათებელი კერამიკული ამფორების მრავალი ნაშთი, ნათურები, მილების ფრაგმენტები და სხვა კულტურული ფასეულობები. ყველა მათგანი მიმოფანტული იყო დაახლოებით 2000 კვადრატულ მეტრზე. ზოგიერთისთვის მყვინთავებს 4 მეტრამდე სიღრმეზე ჩასვლა მოუწიათ.
ფოტო: İHA
აღმოჩენილ ნივთებში ასევე შედიოდა ოსმალეთის პერიოდის გემების ნაშთები, რომლებიც, როგორც ჩანს, ამ რეგიონში ჩაიძირა.
ქალაქ კანდირაზე, რომლის სანაპიროზეც კვლევები მიმდინარეობს, თურქეთში შავი ზღვის გასწვრივ ყველაზე გრძელი სანაპირო ზოლია - 52 კილომეტრი. ახლომდებარე პორტს აქვს ბუნებრივი დაცვა ჩრდილოეთის ქარებისა და ზღვის ტალღებისგან, რაც მას ყოველთვის მიმზიდველ ადგილად აქცევს ხალხისთვის.
არქეოლოგები თვლიან, რომ პირველი დასახლება აქ უკვე ჩვენს წელთაღრიცხვამდე V საუკუნეში გაჩნდა. დროთა განმავლობაში ის დიდ სავაჭრო ცენტრად იქცა. ოსმალეთის იმპერიის დროს სტამბოლში ხე-ტყისა და ნახშირის გადამტანებისთვის სატრანზიტო პუნქტად მსახურობდა. სხვადასხვა დროს მოსახერხებელ პორტს რომაელები, ბიზანტიელები და გენუელი ვაჭრები იყენებდნენ.
წყარო: Arkeonews